Nëna tregon se si u rritën si futbollistë Lucas dhe Theo Hernandez

Nëna e vëllezërve Hernandez ka treguar se si Theo ishte paraparë që të bënte prova të Atletico Madrid, por ata nënshkruan edhe me Lucasin gjithashtu dhe ai u zhvillua më shpejt si “lider” në fushë.

“Kam bërë shumë sakrifica që t’i lejojë ata të luajnë, pasi që isha një nënë beqare e cila duhej të punonte”, tha Laurence Py për L’Equipe. “Lucas është i djathtë, transferi në Atletico Madrid ishte pothuajse koincidencë. Klubi e ftoi Theon për prova, por meqë nuk kishte kush të kujdesej për të në shtëpi, e morëm edhe Lucasin me ne”.

“Ai filloi të luajë dhe skautët e panë talentin e tij, duke me pyetur a ishte edhe ai djali i imë. Në fund të ditës, ata transferuan të dytë! Lucas u zhvillua mandej më shpejtë, ai është një luftëtar, një lider dhe një kapiten për çdo skuadër. Theo është më ndryshe, më i ndjeshëm”.

Lucas tani luan për Bayern Munichun, derisa Theo është në Milan. Ajo ka theksuar se problemet financiare e kishin lënduar familjen derisa të dy vëllezërit patën sukses.

“Një ditë erdhi policia, duke na thënë se babai i tyre kishte shumë borxhe që s’mund t’i paguante. Ata na morën të gjithë, duke na lënë vetëm një ditë që ato pak gjëra ti ngarkojmë në makinë. Ne jetuam disa javë në një dhomë të vogël në një hotel”.