“Natë para provimit”, sfida me Interin, tifozët e Napolit ëndërrojnë Scudetton

Pritshmëri të mëdha në qytet për sfidën e kampionatit. Shfaqet një pankartë me fjalët “Nata para provimit”

Napoli do të luajë ndeshjen më të rëndësishme të sezonit. Një duel  që ka bërë bashkë gjithë qytetin e Napolit të mblidhet rreth skuadrës së Spallettit, që do të luajë nesër në ndeshjen kundër Interit kryesues.

Një pikë i ndan dy skuadrat dhe në rast fitoreje, Napoli do ta “gdhijë” i pari . Pritshmëritë po rriten mes tifozëve, të cilët mirëpritën Insigne dhe shokët e tij të skuadrës sapo mbërritën në një hotel në qendër të qytetit, ndërsa filluan me brohoritje dhe pankarta ku shkruanin ,”Natë para provimit” .

“Ne kemi një ëndërr në zemrat tona, Napoli kthehet kampion” është një nga këngët e shumta të kënduara për të mbështetur skuadrën në ndeshjen më të rëndësishme të vitit.

Të gjithë të bashkuar drejt ëndrrës, Scudetto që i mungon prej 32 vitesh. Luciano Spalletti me ekipin më në fund të kompletuar mund të luajë “kartën” e fundit për titullin kampion.

Në  Maradona vjen një Inter zhgënjyer nga disfata në derbi që në fakt ka rihapur garën për titullin, një ndeshje kjo mes Napolit dhe Interit që premton një skepktakël të vërtetë dhe që do jetë i luftuar deri në fund./ h.ll/albeu.com