Nagelsmann kundër kritikave: Është budallallëk të dyshohet motivimi ynë

Julian Nagelsmann, trajneri i Gjermanisë, i hodhi poshtë me tone të forta pretendimet se ekipi i tij nuk ishte mjaftueshëm i motivuar në humbjen 2-1 ndaj Ekuadorit në Kupën e Botës 2026, duke e cilësuar të padrejtë çdo dyshim mbi përkushtimin e futbollistëve.

Edhe pse Gjermania e kishte siguruar paraprakisht vendin e parë në Grupin E, ai theksoi se skuadra nuk ra në vetëkënaqësi përpara kësaj sfide.

“Ju lutem ndaloni së bëri këtë budallallëk, sinqerisht. A nuk donin lojtarët të jepnin gjithçka? Sigurisht që donin,” deklaroi ai pas përfundimit të ndeshjes.

Tekniku gjerman pranoi se pas golit të shpejtë të Leroy Sane, ekipi humbi kontrollin dhe nuk ishte në gjendje të gjente sërish ritmin e duhur në lojë.

“Pas golit filluam të bënim gabime pozicionale dhe u bë e vështirë. Nuk kishim strukturë të vërtetë me topin dhe asnjë mënyrë për të lehtësuar presionin,” shpjegoi Nagelsmann.

Ai mbrojti gjithashtu rotacionet dhe zgjedhjet taktike, duke nënvizuar se ndryshimet në formacion kishin qenë të planifikuara.

Tashmë, Gjermania e ka përqendrimin te faza e 1/8-ve, ku katër herë kampionët e botës synojnë të rikthehen fuqishëm në garë.