Jose Mourinho po ndjek me vëmendje mesfushorin e Napolit, Scott McTominay, si një emër të mundshëm për merkaton e verës, sipas gazetarit Nicolo Schira.
None found
Trajneri portugez e njeh mirë futbollistin skocez nga periudha që kaluan së bashku te Manchester United dhe ka kërkuar të dhëna mbi mundësinë që ai të transferohet në ‘Santiago Bernabeu’.
Gjithsesi, realizimi i një operacioni të tillë paraqitet i vështirë për madrilenët. McTominay e ka si synim kryesor vazhdimin e karrierës te Napoli, ndërsa klubi italian po punon për t’i ofruar një kontratë të re deri në vitin 2030, me një rritje të konsiderueshme të pagës.
Lojtari ka hedhur poshtë edhe oferta shumë të majme që kanë ardhur nga Arabia Saudite.
Ndërkohë, Real Madridi po zhvillon një verë mjaft dinamike në tregun e transferimeve. Pas një sezoni nën pritshmëri, klubi ka hyrë në një fazë rindërtimi të skuadrës, duke i kushtuar rëndësi të veçantë përforcimit të mbrojtjes dhe të mesfushës.
Raportimet më të fundit bëjnë me dije se madrilenët kanë zyrtarizuar afrimin e mbrojtësit të djathtë holandez Denzel Dumfries nga Inter, duke shtuar konkurrencën në repartin defensiv.
Sipas burimeve pranë klubit, Mourinho synon të afrojë edhe një mesfushor qendror të nivelit të lartë, por çdo lëvizje e rëndësishme do të kushtëzohet edhe nga largimet e mundshme nga ekipi.
Emri i Aurelien Tchouameni është përmendur shpesh si një alternativë për t’u larguar nga ‘Los Blancos’, edhe pse deri në këtë moment nuk ekziston asnjë vendim zyrtar për të ardhmen e tij.
Prokuroria e Tiranës, pritet të thërrasë për të dhënë dëshminë e tij Erjon Vishkullin, i riu që mbeti i p*agosur…
Ushtruesja e detyrës së kryetares së Partisë Demokratike të Kosovës (PDK), Vlora Çitaku, dhe ish-kryetari i kësaj partie, Bedri Hamza,…
Spanja ka shprehur gatishmëri që të mos bëhet pengesë për afrimin e Kosovës me Bashkimin Evropian, pavarësisht se vazhdon të…
Gjykata e Apelit, ka ndryshuar masën e sigurisë për Vinçesk Pirolin, një prej tre personave të arrestuar në lidhje me…
Besiktasi po planifikon ndryshime të mëdha në krahun e djathtë të sulmit gjatë afatit kalimtar të janarit, ndërsa në listën…
Të shtunën, më 21 nëntor, nga ora 12:00 deri në 14:00, në Ohër do të mbahet një protestë paqësore civile…