Mourinho për ecurinë mbresëlënëse të Barcelonës: “Real Madridi nuk mund të krahasohet me askënd

Jose Mourinho nuk shfaqet i shqetësuar nga fillimi i shkëlqyer i sezonit të Barcelonës, ndërsa trajneri i Real Madridit thekson se gara në La Liga duhet parë si një maratonë.

Barcelona po zhvillon një sezon të jashtëzakonshëm: skuadra ende nuk e njeh humbjen dhe pothuajse në çdo takim realizon nga katër gola.

“Nëse jam i shqetësuar për nivelin e Barcelonës? Nga pikëpamja historike dhe kulturore, Real Madridi nuk krahasohet me askënd”, u shpreh Mourinho.

“Pikërisht për këtë arsye nuk e krahasoj veten me të tjerët. Përqendrimi im është te skuadra jonë, te problemet që kemi dhe te gjërat që duhet t’i përmirësojmë”.

“Ndonëse po bëhet çdo herë më e vështirë të dëgjosh vlerësime pozitive për Real Madridin, ne vijojmë të punojmë me përulësi dhe jemi plotësisht të ndërgjegjshëm për mangësitë tona. Nuk është normale të kryesosh 2-0 kundër Elches dhe më pas të pësosh golin e barazimit në minutën e 80-të”.

“Megjithatë, nuk është normale as mënyra se si skuadra, vetëm pak minuta pasi pësoi atë gol, ndryshoi ritmin, krijoi rast pas rasti dhe në fund shënoi për ta fituar ndeshjen”.

“E njëjta gjë vlen edhe kur je në disavantazh ndaj Betisit, por vazhdon të luftosh. Pas golit të jashtëzakonshëm të Espí dhe penalltisë së humbur, skuadra gjeti sërish forcë për të kërkuar më shumë”.

“Ky ekip ka cilësi dhe punon si grup, çka më jep shumë besim. La Liga është një maratonë dhe jo një autostradë”, deklaroi ai.

Real Madridi do të ketë ndërkohë një sfidë të vështirë të dielën, kur do të luajë në transfertë kundër Atleticos.