Mourinho mohon interesimin e Real Madridit për Lamine Yamalin: Kemi një skuadër të shkëlqyer

Jose Mourinho ka hedhur poshtë mundësinë që Real Madridi të lëvizë për transferimin e talentit të Barcelonës, Lamine Yamal.

Portugezi, i cili është rikthyer gjatë kësaj vere në pankinën e “Los Blancos”, u pyet për një transferim të mundshëm të produktit të La Masias. Edhe pse e vlerësoi lart lojtarin, Mourinho nënvizoi se ekipi që ka në “Santiago Bernabeu” është tashmë i kompletuar.

“A do ta transferoja Lamine Yamalin te Real Madridi? Jo. Ai është një lojtar i madh, por ne kemi një skuadër të shkëlqyer”, u shpreh Mourinho.

Fjalët e trajnerit portugez vijnë në një kohë kur mediat ndërkombëtare kanë publikuar spekulime për një interes të mundshëm të Real Madridit ndaj yllit të Barcelonës.

Megjithatë, Mourinho duket i bindur për forcën e repartit sulmues që ka në dispozicion, duke besuar se skuadra e tij mund të konkurrojë për objektivat e mëdhenj të sezonit të ri.

Ndërkohë, Reali do ta hapë këtë vikend sezonin e La Ligas, në transfertë ndaj Espanyolit./