Martin Zubimendi, mesfushori i Arsenalit që aktualisht nuk po gjen hapësira në formacionin e Mikel Artetës, mund të jetë lëvizja e radhës e Real Madridit në merkaton e janarit.
None found
Sipas raportimeve të Sport, “Los Blancos” po vlerësojnë seriozisht mundësinë për të afruar 27-vjeçarin, një emër që kishte qenë në radarët e klubit edhe gjatë afatit kalimtar të mëparshëm.
Real Madridi i nisi përgatitjet për sezonin e ri 2026/27 me rikthimin e Jose Mourinhos në krye të skuadrës, teksa gjatë verës u realizuan disa përforcime të rëndësishme si Marc Cucurella, Ibrahima Konate dhe Bernardo Silva.
Megjithatë, objektivi kryesor i trajnerit portugez mbeti i paplotësuar. Mourinho kërkonte një mesfushor qendror për të stabilizuar lojën e ekipit dhe emri i Rodrit ishte në krye të listës, por transferimi i tij dështoi.
Ylli spanjoll i Manchester Cityt përfundoi duke firmosur me Barcelonën për shumën e 76.5 milionë eurove, duke e detyruar Mourinhon të mbështetet në mesfushën e përbërë nga Aurelien Tchouameni, Federico Valverde dhe Eduardo Camavinga.
Në këto rrethana, vëmendja është zhvendosur sërish drejt Zubimendit, i cili te Arsenali e ka humbur statusin e titullarit. Spanjolli e ka nisur nga stoli në të pesë ndeshjet e “Topçinjve” në të gjitha garat deri më tani këtë edicion.
Për më tepër, në përballjen e Ligës së Kampionëve përballë Napolit, ai u aktivizua vetëm për tetë minuta, duke konfirmuar rolin periferik që po luan nën urdhrat e Artetës.
Ky rol i reduktuar nuk është një risi për mesfushorin, pasi që në fundin e sezonit të shkuar ai e pa finalen e Champions League ndaj Paris Saint-Germainit nga pankina, para se të hynte në fushë vetëm në vazhdime.
Klubi madrilen, megjithatë, vijon ta mbajë në konsideratë të lartë lojtarin, sidomos për performancat e tij të qëndrueshme me fanellën e Kombëtares spanjolle.
Arsenali e transferoi Zubimendin për 70 milionë euro dhe i siguroi kontratë deri në vitin 2030, ndërsa burimet e Sport bëjnë me dije se vlera e tij e tanishme në treg lëviz pothuajse në të njëjtat nivele.
Analisti Erl Murati, gjatë fjalës së tij në emisionin “Prime News24” në News24, komentoi pjesëmarrjen e Ervin Salianjit në protestën…
Të burgosurit në Maqedoninë e Veriut vazhdojnë të vuajnë dënimet në kushte çnjerëzore. Në mungesë të hapësirave të nevojshme, institucionet…
Zëvendëskryeministri i parë, Bekim Sali, ka përshëndetur nisjen e punimeve për autostradën Bukojçan–Kërçovë, duke e cilësuar këtë projekt si një…
Gazment Bardhi dhe Klevis Balliu, deputetë të Partisë Demokratike, nuk do të jenë pjesë e punimeve të Kuvendit për dy…
Ervin Salianji ka deklaruar se do të ndërmarrë hapa institucionalë për të garuar për drejtimin e Partisë Demokratike, duke theksuar…
Një aksident i rëndë rrugor i ka marrë jetën dy të rinjve, një vajze 20-vjeçare dhe një djali 21-vjeçar, në…