FSHF publikon njoftimin e rëndësishëm për tifozët shqiptarë në Helsinki për ndeshjen Finlandë-Shqipëri

Kombëtarja e Shqipërisë do të përballet nesër me Finlandën. Sfida e 3 tetorit është më e rëndësishmja deri tani në Grupin C1 të Ligës së Kombeve.

Mijëra tifozë shqiptarë, do të jenë në stadium. FSHF ka publikuar një njoftim të rëndësishëm për organizimin.

NJOFTIMI I FSHF:

Kombëtarja shqiptare do të luajë nesër ndeshjen e tretë të grupit në UEFA Nations League ndaj Finlandës, në “Helsinki Olympic Stadium”, në orën 15:00.

Federata e Futbollit informon të gjithë tifozët shqiptarë që kanë udhëtuar drejt Finlandës dhe që do të mbështesin Kombëtaren në stadium, se pika e grumbullimit për tifozët do të jetë në “Old Irish Pub” në Helsinki.

Ndërkohë, nesër, më 3 tetor, në orën 12:00, tifozët e Kombëtares do të nisen së bashku nga “Old Irish Pub” drejt “Helsinki Olympic Stadium”, ku në orën 15:00 Shqipëria do të përballet me Finlandën.

Federata e Futbollit, fton të gjithë tifozët shqiptarë që ndodhen në Helsinki të bashkohen me grupin në pikën e grumbullimit dhe të mbështesin ekipin kuqezi gjatë gjithë ndeshjes, në mënyrë korrekte dhe duke respektuar rregullat e stadiumit.