Ish-mesfushori i Gjermanisë Mesut Ozil kritikoi FIFA-n, duke e akuzuar për trajtim të pabarabartë të Rusisë dhe Izraelit.
Ozil i bëri komentet të enjten në mbrëmje, pas një takimi miqësor në Stamboll mes veteranëve të Basaksehirit dhe skuadrës ruse Zenit. Ndeshja u zhvillua në kuadër të Forumit Ekonomik Euroaziatik Verona.
None found
Ai e ndoqi përballjen nga kampi i Basaksehirit, së bashku me presidentin e klubit, Goksel Gumusdag, trajnerin Nuri Sahin dhe ish-zëvendëspresidentin Mustafa Erogut.
“Sporti ka qenë gjithmonë një urë që bashkon njerëzit. FIFA nuk i ka ndaluar ekipet izraelite gjatë kësaj periudhe, ndërsa ndaj skuadrave ruse ka vendosur embargo. I bëj thirrje FIFA-s që të heqë dorë nga standardet e dyfishta dhe t’i trajtojë të gjithë njësoj”, deklaroi Ozil.
Në të njëjtën linjë u shpreh edhe kreu i Basaksehirit, Goksel Gumusdag.
“Standardet e dyfishta janë të dukshme për të gjithë botën. Nuk është e drejtë që Rusia të sanksionohet, ndërsa Izraeli jo, qoftë në futboll apo në sportet e tjera. FIFA dhe UEFA duhet të mbajnë një qëndrim të drejtë”, tha ai.
Gumusdag shtoi se shpreson që klubet ruse të rikthehen së shpejti në kompeticionet ndërkombëtare.
Përfaqësuesja ruse dhe klubet e vendit u përjashtuan nga garat e FIFA-s dhe UEFA-s në vitin 2022, pas pushtimit të Ukrainës. Izraeli vijon të marrë pjesë në kompeticione. Më herët, ish-futbollisti i Francës Eric Cantona kishte bërë thirrje publikisht për pezullimin e Izraelit nga futbolli ndërkombëtar.
Ozil i dha fund karrierës në mars të vitit 2023, te Basaksehiri. Pak më vonë, ai u bë anëtar i Komitetit Qendror të AKP-së, partisë në pushtet në Turqi.
Rastin e rrahjes brutale të Sara Gjorgievskës në Ohër duhet ta marrë përsipër prokuroria publike nga zona e apelit të…
Gjykata Themelore në Prishtinë në rigjykim ka shpallur aktgjykim dënues ndaj Besnik Salihut duke e dënuar me dënim unik prej…
Ambasada e Shteteve të Bashkuara të Amerikës në Prishtinë ka lëshuar një alarm sigurie për qytetarët amerikanë që ndodhen në…
Ish-drejtoresha e AKSHI-t, Mirlinda Karçanaj është paraqitur këtë të martë në SPAK. Karçanaj është paraqitur në zbatim të masës së…
Zëvendëspresidenti amerikan, JD Vance, ka reaguar ndaj spekulimeve për një krizë të mundshme në Shtetet e Bashkuara, duke përjashtuar mundësinë…
Një aksident hekurudhor është regjistruar mëngjesin e sotëm në Pragë të Çekisë, ku dy trena janë përplasur me njëri-tjetrin, duke…