Messi rrëfen zhgënjimin për penalltinë e humbur dhe feston reagimin e Argjentinës ndaj Egjiptit

Lionel Messi ka folur pas suksesit dramatik 3-2 të Argjentinës ndaj Egjiptit, duke pranuar se penalltia e shpërdoruar gjatë ndeshjes e kishte mërzitur shumë.

Kapiteni argjentinas tregoi se ndjeu zhgënjim të thellë, pasi mendon se një gol nga pika e bardhë në atë moment do të kishte ndikuar ndryshe në ecurinë e sfidës, pavarësisht se ekipi i tij po paraqitej mirë.

“Isha shumë i zemëruar për penalltinë. U ndjeva shumë keq që e humba sërish, sepse nëse do ta kisha shënuar në atë moment, ndeshja do të kishte marrë një rrjedhë tjetër”.

Më tej, ylli 39-vjeçar theksoi se Argjentina kishte luajtur mirë dhe kishte krijuar raste të pastra, por përballë kishte gjetur një portier në formë të jashtëzakonshme.

“Po luanim mirë dhe, përveç penalltisë, krijuam edhe raste të pastra. Portieri bëri disa pritje të pabesueshme. Për fat të mirë, në fund arrita të shënoja dhe ta ndihmoja ekipin. Është diçka shumë e veçantë të jesh në gjendje ta ndihmosh këtë grup pas gjithçkaje që ndodhi”, deklaroi Messi.

Pavarësisht zhgënjimit për penalltinë e dytë të humbur në Botëror, sulmuesi u shfaq i lumtur që dha kontribut në fitoren e skuadrës dhe vlerësoi reagimin e bashkëlojtarëve në një përballje të vështirë.

Në përfundim, Messi ndaloi te forca shpirtërore e Argjentinës, duke nënvizuar se ekipi tregoi sërish krenari, karakter dhe uri për të luftuar.

“Ky është një tjetër shembull i krenarisë, karakterit dhe dëshirës së këtij ekipi. Jam shumë krenar”, përfundoi kapiteni argjentinas.