Categories: sport

Messi përgatit kërkesë ligjore për përdorimin e imazhit të tij nga AFA

Lionel Messi po përgatitet të ndërmarrë hapa ligjorë ndaj Federatës së Futbollit të Argjentinës (AFA), me synimin që ajo të mos përdorë më emrin, fotografitë dhe videot e tij për qëllime tregtare.

Gazeta argjentinase Clarín raporton se futbollisti 39-vjeçar ka angazhuar ekspertë ligjorë për hartimin e një dokumenti zyrtar, përmes të cilit kërkon t’i ndalojë federatës shfrytëzimin e imazhit të tij për përfitime financiare.

Të lidhura

None found

Marrëdhëniet e Messit me drejtuesit e AFA-s janë përkeqësuar ndjeshëm, sidomos ato me presidentin Claudio Tapia. Ky i fundit po përballet me akuza dhe hetime mbi dyshime për parregullsi financiare në federatë.

Një burim kryesor i pakënaqësisë lidhet me një reklamë për një markë birre argjentinase, ku u përdor imazhi i Messit gjatë Kupës së Botës së fundit. Kapiteni i Argjentinës ka marrëveshje sponsorizimi me markën amerikane Michelob, ndaj ekipi i tij u detyrua t’u jepte shpjegime partnerëve komercialë për fushatën e miratuar nga AFA.

Sipas Clarín, vendime të tjera tregtare të federatës kanë shkaktuar gjithashtu vështirësi për futbollistin dhe ekipin e tij. Raportohet se Messi dhe familja e tij janë detyruar disa herë të sqarohen me sponsorë ndërkombëtarë për vendime në të cilat nuk kishin marrë pjesë.

Pakënaqësisë i janë shtuar polemikat financiare rreth drejtuesve të AFA-s. Presidenti Claudio Tapia dhe arkëtari Pablo Toviggino përmenden në hetime mbi dyshime për keqpërdorim financiar dhe përdorim të kompanive të huaja për të fshehur rrjedhën e parave. Sipas raportimit, Messi kërkon të mbrojë reputacionin dhe marrëveshjet e tij ndërkombëtare nga pasojat e mundshme të këtyre zhvillimeve.

Si një tjetër shkak pakënaqësie përmendet organizimi i ndeshjes së lamtumirës së tij me kombëtaren argjentinase, kundër Beninit në tetor. Gjatë ceremonisë në stadiumin Monumental pati probleme me zërin, ndriçimin dhe koreografinë me dronë. Kritika shkaktoi edhe prania e reklamave të sponsorëve në një moment që duhej t’i kushtohej karrierës së Messit.

Nuk është e qartë nëse dokumenti ligjor i është dorëzuar zyrtarisht federatës. Burime të cituara nga Clarín japin versione të ndryshme: disa thonë se AFA e ka pranuar kërkesën, ndërsa të tjerë se dokumenti është hartuar, por ende nuk është dërguar.

Messi e ka përfunduar rrugëtimin me kombëtaren argjentinase pas më shumë se dy dekadash, gjatë të cilave fitoi Kupën e Botës 2022 dhe dy tituj të Copa América. Ai vijon të luajë për Inter Miami. Deri tani, as Messi dhe as presidenti Tapia nuk kanë komentuar publikisht raportimet për hapat e mundshëm ligjorë.

të fundit

Wall Street në rënie para rezultateve të Nvidia-s, pasiguria për AI-në rëndon mbi aksionet teknologjike

Bursa amerikane e nisi javën me humbje, pasi aksionet e Nvidia-s dhe kompanive të tjera të teknologjisë u vunë nën…

8 minutes ago

AUV refuzon 27 tonë misër nga Serbia për shkak të nivelit të lartë të aflatoksinës

Agjencia e Ushqimit dhe Veterinarisë (AUV) ka ndaluar hyrjen në Kosovë të 27 tonëve misër me origjinë nga Serbia, pasi…

9 minutes ago

Zulfaj kritikon Brukselin: Zgjerimi i bazuar në meritë duhet të vlejë edhe për Kosovën

Jeton Zulfaj, kryenegociatori i Kosovës me Bashkimin Evropian, ka kritikuar Brukselin zyrtar për mos njohje të progresit të arritur në…

9 minutes ago

Tabaku ngre para OKB-së shqetësime për dhunën ndaj protestuesve dhe shkeljen e të drejtave

Kryetarja e Komisionit të Drejtave të Njeriut dhe Medias paraqiti shqetësimet nga vizitat në komisariate dhe në Bllokun e Sigurisë,…

12 minutes ago

Protestuesja denoncon gjobën 5 milionë lekë: Bllokova rrugën, por nuk kam mundësi ta paguaj

Një denoncim është bërë në mikrofonin e News24. Një protestuese ka thënë se ka marrë gjobë 5 milionë lekë. Ajo…

13 minutes ago

Brain-IT rikrijon imazhet e perceptuara nga njeriu përmes sinjaleve të trurit

Një sistem i ri i inteligjencës artificiale ka arritur të rindërtojë imazhe që një person ka parë, duke analizuar aktivitetin…

19 minutes ago