Si mysafirë, lojtarët e PSG-së mposhtën Marseillen me rezultat 2:0 dhe kësaj radhe nuk mungoi konkurrenca e tifozëve në tribuna mes tifozëve të rivalëve më të egër francezë.
PSG ka vite që dominon kampionatin francez, ndërsa ish-kampioni evropian Marseille është larg lavdisë, por klubi nga Velodrome ka atë që Parisi ëndërron – Ligën e Kampionëve.
Marseille ishte kampione e Evropës në vitin 1993 kur mposhti Milanin me rezultat 1:0 në finale, ndërsa PSG, me gjithë investimet e mëdha, nuk arriti të arrijë titullin e Ligës së Kampionëve.
Më së afërmi ata ishin në vitin 2020, kur u mposhtën nga Bayerni 1:0 në finalen e Lisbonës. Për shkak të kësaj, gjithçka që u ka mbetur tifozëve të Marsejës është t’ua kujtojnë këtë rivalëve të tyre të zemëruar.
“Inshallah, nuk do ta fitoni kurrë Ligën e Kampionëve”, shkruhej në sloganin e tifozëve të Marsejës, ku aludohej qartë se PSG është në pronësi të investitorëve të pasur nga Katari dhe se investimet e tyre nuk i ndihmuan të realizojnë ëndrrën e tyre.
Në tribunën qendror të Stade Veledrome ishte koreografi fantastike e tifozëve vendas ku shihej një nga ikonat e klubit me trofeun e Ligës së Kampionëve.
Ndryshe, në derbin e mbrëmshëm, parisienët festuan me golat e Vitinhas dhe Goncalo Ramos, pavarësisht se gjatë gjithë pjesës së dytë luajtën me një lojtar më pak dhe me triumfin e tyre iu afruan titullit të ri kampion.
PSG tani ka 62 pikë dhe është lider përballë Brest-it, i cili grumbulloi 50 pikë, ndërsa Marseille është vetëm në pozitën e shtatë me vetëm 39 pikë. /Telegrafi/
Dashi Dite vendimtare kjo e sotmja për ata qe janë ne një lidhje. Shume gjera do vendosen për ta kështu…
Analisti Andi Bushati, ka komentuar aksionin e SPAK për tenderat e AKSHI-t, teksa ka hedhur akuza se grupet kriminale, policia…
Disa persona "janë shoqëruar për intervistim" pas një aksioni policor, tha Policia e Kosovës më 18 dhjetor. Por, për dallim…
Kryeministri Edi Rama komentoi faktorët që, sipas tij, ndikojnë në mbijetesën e gjatë në politikë. Gjatë intervistës në emisionin “Opinion”,…
Presidenti amerikan Donald Trump, i bëri thirrje Ukrainës që të “lëvizë shpejt” në negociatat mbi një plan për t’i dhënë…
Florjan Binaj, kandidati i pavarur për Bashkinë e Tiranës, takoi sot aktivistin Adriatik Lapaj, i cili prej ditësh po proteston…