Spanja është kualifikuar në çerekfinale të Kupës së Botës, pasi fitoi 1-0 ndaj Portugalisë në një duel të fortë mes dy përfaqësueseve iberike.
Takimi po shkonte drejt vazhdimeve, por në minutat shtesë spanjollët gjetën golin vendimtar.
None found
Në pjesën e parë, Portugalia iu afrua disa herë avantazhit. Në minutën e 37-të, Cristiano Ronaldo u ndal nga një ndërhyrje shumë e mirë e Unai Simón, ndërsa katër minuta më vonë, në të 41-ën, Nuno Mendes goditi shtyllën pas një aksioni të rrezikshëm nga krahu i majtë.
Edhe Spanja pati rastet e saj para pushimit. Álex Baena tentoi nga largësia, por Diogo Costa ishte i saktë në reagim, ndërsa Mikel Oyarzabal dhe Dani Olmo nuk mundën t’i kthenin në gol mundësitë që patën.
Në fraksionin e dytë, Luis de la Fuente ndërhyri te formacioni duke hedhur në fushë Ferran Torres, Fabián Ruiz dhe Mikel Merino.
Ishin pikërisht dy prej lojtarëve të ardhur nga stoli që vulosën sfidën: Torres dha asistin, ndërsa Merino shënoi golin që e çoi Spanjën mes tetë skuadrave më të mira të turneut. Goli i Merino (VIDEO)
Tashmë Spanja vijon aventurën e saj në Kupën e Botës dhe do të synojë kualifikimin në gjysmëfinale, ndërsa Portugalia e mbyll rrugëtimin në raundin e 16-të.
Klubet rivale të Manchester Cityt po kërkojnë një dënim shumë më të ashpër sesa vetëm një sezon rënie nga Liga…
Ministria e Shëndetësisë sot prezantoi zgjerimin e trajtimit të fibrozës cistike. Nga MSH thonë se terapia bashkëkohore me modulatorë të…
Ministri i Brendshëm, Pançe Toshkovski lidhur me operacionin policor që u krye dje në Prilep thekson se bëhet fjalë për…
Ambasadori i Bashkimit Evropian në Kosovë, Dirk Schuebel, ka reaguar gjatë vizitës së Presidentes së Komisionit Evropian, Ursula von der…
Federata Shqiptare e Alpinizmit dhe Turizmit Malor ka lëshuar një reagim zyrtar lidhur me ngjarjen e raportuar pak ditë më…
Të martën, në Qendrën për Kulturë në Dibër, përfundoi Edicioni i 25-të i Festivalit “Teatri Shqiptar në Maqedoni”, Dibër. Në…