Shqipëria ka siguruar pikën e parë në Euro 2024, duke barazuar 2-2 me Kroacinë në kuadër të Grupit B.
Ekipi i Sylvinhos dhuroi një super-paraqitje në 45 minutat e parë të ndeshjes, duke gjetur edhe golin e vetëm.
Goli i vetëm në këtë pjesë erdhi në minutën e 11-të me anë të Qazim Laçit, i cili shënoi me kokë pas asistimit të Jasir Asanit.
Përveç kësaj, Shqipëria pati edhe më shumë raste ideale për gol, duke qenë afër të gjej edhe golin e dytë.
Elseid Hysaj (29’) goditi mbi portë, ndërsa goditet e Kristjan Asllanit (31’) dhe Rey Manajt (45+) u priten nga Dominik Livakovic.
Edhe 45 minutat e dytë nisën furishëm, me dy kombëtaret që kishin rastet e veta, por që kroatët treguan përvojën e tyre.
Kroatët e arritën golin e barazimit në minutën e 74-të, kur Ante Budimir asistoi te Andrej Kramaric për rezultatin 1-1.
Kroacia nuk u ndal me kaq dhe përmbysi rezultatin kur në minutën e 76-të Klaus Gjasula ishte i pafat dhe realizoi auto-gol.
Shqipëria nuk u dorëzua deri në fund, duke ia dalë që pas shumë tentimeve të realizojnë golin e barazimit.
Ishte Gjasula, ai që realizoi për 2-2, kur realizoi në minutën e 90+5-të për 2-2, duke i siguruar Shqipërisë një pikë.
Në Grupin B, Spanja dhe Italia kanë nga tri pikë, ndërsa Shqipëria dhe Kroacia me nga një, derisa italianët dhe spanjollët luajnë nesër për të përcaktuar se kush do të jetë lider i grupit.
Në ndeshjen e fundit, Shqipëria përballet me Spanjën, duke shpresuar për një fitore.
Dashi Të lindur më: 21 Mars - 19 Prill Në marrëdhënie, sot do të ndiheni të afërt dhe të hapur…
Zhvilluesit po nxitohen të ndërtojnë resorte luksoze. Por vendasit kanë frikë se mënyra e tyre e jetesës është në rrezik…
Një 59-vjeçari mbeti i plagosur, pasi u përplas nga një automjet mbrëmjen e sotme në qytetin e Durrësit. Aksidenti ndodhi…
Detaje të reja janë zbardhur nga ngjarja e ndodhur mbrëmjen e sotme në zonën e Pazarit të Korçës, ku një…
Pas ngjarjes së ndodhur mbrëmjen e sotme në një lokal në zonën e pazarit në Korçë, ku dy persona mbetën…
Tre persona kanë mbetur të plagosur si pasojë e një konflikti mes disa personave në qytetin e Korçës. ABC News…