Mbappe zbulon ndikimin e Mourinhos te Reali: Kërkon shumë, por nuk dëshiron ta zhgënjesh

Kylian Mbappe ka rrëfyer se si Jose Mourinho po ndikon te Real Madridi, jo vetëm në përgatitjen profesionale të ekipit, por edhe në aspektin psikologjik të futbollistëve.

Pas fitores 2-1 ndaj Interit në Ligën e Kampionëve, sulmuesi francez foli për “CBS Sports Golazo”, ku vlerësoi mënyrën e veçantë me të cilën trajneri portugez motivon skuadrën.

Sipas Mbappes, Mourinho di t’i bëjë lojtarët të ndihen të rëndësishëm dhe të veçantë, ndërsa njëkohësisht u vendos përpara kërkesave dhe standardeve të larta.

Futbollisti shpjegoi se trajneri u transmeton energji, i mban aktivë dhe i ndihmon të ndihen efektivë në detyrat që kanë në fushë.

Megjithatë, Mbappe nënvizoi se kjo marrëdhënie shoqërohet edhe me presion të madh, pasi Mourinho kërkon shumë prej secilit lojtar dhe sjell pritshmëri të larta si brenda, ashtu edhe jashtë fushës.

Sulmuesi i Real Madridit veçoi gjithashtu ritmin intensiv të seancave stërvitore dhe komunikimin e pandërprerë mes trajnerit dhe ekipit.

Ai tha se futbollistët e dinë qartë se çfarë synon Mourinho, në cilin drejtim dëshiron ta çojë skuadrën dhe çfarë pret prej tyre.

Mbappe u ndal edhe te besimi që tekniku portugez u jep lojtarëve, duke theksuar se kjo i shtyn ata të japin maksimumin në ndeshje.

Sipas tij, kur një trajner të përcjell besim dhe pasion, lojtari nuk dëshiron ta zhgënjejë. Përkundrazi, ai përpiqet të japë më të mirën nga vetja në fushë.