Kylian Mbappe ka postuar një mesazh me gjashtë fjalë në rrjetet sociale pasi pësoi një thyerje të hundës gjatë fitores 1-0 të Francës ndaj Austrisë në Euro 2024.
Ylli francez u përplas me shpatullën e mbrojtësit të Austrisë, Kevin Danso, pasi goditi me kokë në zonën e rreptësisë në fazat e fundit të ndeshjes.
Ai mori një trajtim të gjerë në fushë, përpara se të merrej vendimi se do të përfundonte ndeshjen.
Më vonë u konfirmua se 25-vjeçari, i cili do t’i bashkohet Real Madridit si transferim i lirë më 1 korrik, kishte pësuar një thyerje të hundës nga përplasja.
Mbappe me shaka u kërkoi mbështetësve në Twitter për sugjerime për një maskë, me kapitenin e Francës që u detyrua të mbante një maskë gjatë pjesës së mbetur të pjesëmarrjes së tij në turne.
Ka pasur raporte tjera se ai mund të humbasë ndeshjen e së premtes kundër Holandës, pasi do t’i duhej kohë për t’u përshtatur me maskën në aksione konkurruese.
Tani, Mbappe ka ndarë një mesazh të shkurtër në Instagram, i cili duket se tregon besimin se ai do të jetë i disponueshëm për të luajtur kundër Holandës.
“Pa rreziqe, nuk ka fitore..”, ka shkruar ai.
Ndryshe, 25-vjeçari do të duhet t’i nënshtrohet një operacioni në hundën e tij të thyer pas turneut.
Lajmi është konfirmuar nga trajneri i Francës, Didier Deschamps. /Telegrafi/
Sulmuesi shqiptar, Silvio Merkaj, gjeti rrugën e rrjetës me fanellën e Sudtirol në duelin ndaj Sampdorias të vlefshëm për javën…
Aksident në dalje të Lezhës, te kryqëzimi i Ishull Shëngjinit. Burime bëjnë me dije se dy makina janë përplasur me…
Transferimi i Edon Zhegrovës te Juventusi është vetëm çështje orësh. Gazetari italian, Fabricio Romano, ka raportuar se Juventusi ka arritur…
Këngëtarja Vesa Smolica duket se është në lidhje dashurie. Ajo bëri një postimi në Instastory ku shihet dhoma e gjumit…
Mëngjesi këtë të diel filloi me lajmin e trishtë të vdekjes së dy të rinjve. Gabriel Luca dhe Denis Korbi,…
Një e mitur ka humbur jetën si pasojë e një aksidenti në fshatin Zabel i Ulët të Drenasit. Lajmin për…