Mbappe nuk do të jetë më i paguari te Reali, tre lojtarë do të fitojnë pagë më të madhe se francezi

Vazhdojnë të dalin detaje të reja se çfarë do të thotë ardhja e Kylian Mbappe për një Real Madrid që tashmë e pret krahëhapur.

Detajet rreth kontratës së tij vazhdojnë dhe tani e dimë se cili do të jetë pozicioni i tij në listën e pagave te skuadra e presidentit Florentino Perez.

I pari i klubit madrilen ka qenë i qartë, e donte Mbappen, por jo që fatura e pagave të ngrihet në qiell.

Mbappe do të fitojë shumë në Madrid, kryesisht bonuse dhe jo një pagë fikse shumë të madhe, madje ai do të jetë i treti në listë.

Ylli francez do të ketë bonuse të mëdha, derisa edhe drejtat e imazhit do t’i takojnë atij deri në 80 për qind.

Megjithatë Mbappe do të jetë i katërti në listën e pagave te Reali, ku Toni Kroos, David Alaba dhe Luka Modric do të fitojnë më shumë se ai.

Megjithatë Luka Modric pritet të largohet në fund të sezonit nga Los Blancos, derisa e ardhmja e Toni Kroos vazhdon të jetë e paqartë nëse do t’i vazhdohet kontrata ose jo.

Kësisoj në rast largimi të dyshes Modric dhe Kroos, atëherë Mbappe do të jetë futbollisti i dytë me pagën më të lartë te Real Madridi pas David Alabas. /Telegrafi/