Mbappe ‘konfirmon’ transferimin te Real Madridi, bleu vilën e legjendës së Los Blancos

Edhe pse ende nuk është konfirmuar zyrtarisht, dihet gjerësisht se Kylian Mbappe do të jetë lojtar i ri i Real Madridit nga vera, duke mbërritur si lojtar i lirë nga Paris Saint Germain.

Dëshmia e re e transferimit të futbollistit më të mirë të ditës së sotme te Real ka mbërritur sot, kur revista spanjolle Vozpopuli njoftoi se Mbappe ka blerë një vilë në Madrid që më parë i përkiste Sergio Ramos, mbrojtësit legjendar spanjoll dhe ikonës së klubit mbretëror.

Mbappe së bashku me nënën e tij kërkonin prej kohësh një shtëpi të re në Madrid dhe Ramos i ofroi një vilë prej 18 milionë eurosh dhe mesa duket tani të dy kanë rënë dakord.

Vila ku do të jetojë Mbappe pas transferimit te Real Madridi ndodhet në rajonin La Moraleja.

Tashmë dihet se vila përbëhet nga tre dhoma ndenjeje, 20 banja (përfshirë tualetet), një palestër, një pishinë me ngrohje, fusha të vogla për të luajtur futboll dhe shumë tjera.

Mediat spanjolle shkruajnë se brenda shtëpisë janë krijuar dekorime të çuditshme nga vepra arti, dhe gjithçka është bërë me shije dhe përshtatje për teknologjinë më të fundit.

Ramos punoi në ndërtimin e vilës me gruan e tij Rubio Pilar për katër vjet dhe prej andej ata u transferuan në Paris kur legjenda e Realit u transferua në PSG dhe më pas u vendos në Sevilla.

Është interesante se Ramos e bleu vilën për tre milionë euro dhe pas shumë vitesh punë në të, Mbappe e bleu për gjashtëfishin e shumës (18 milionë euro).

Sipërfaqja e përgjithshme e truallit është 12000 metra katrorë, nga të cilat 1000 janë banim.

Ramos dhe Pilar vendosën të ruajnë privatësinë e tyre dhe të fëmijëve të tyre duke ndërtuar mure shumë të larta që të mos shqetësoheshin nga njerëzit kureshtarë dhe duke vendosur kamera vëzhgimi.

Pas mureve është një kopsht unik ku mbaheshin qentë e tyre, një pishinë që ata gëzojnë si familje e rrethuar me stola guri dhe një kodër e vogël ku Ramos mund të shihej shpesh duke u stërvitur.

Mbappe pritet të konfirmojë zyrtarisht transferimin e tij te Reali nga PSG pasi të përfundojë sezoni i Ligës së Kampionëve, pasi këto dy ekipe ende mund të takohen në finale.