Mbappe do të zyrtarizohet te Reali pas finales së Wembley

Kylian Mbappe ka zyrtarizuar lamtumirën e tij me PSG-në në fund të sezonit dhe tashmë ka nga ata që pyesin se kur do të zyrtarizohet klubi i tij i ardhshëm, Real Madrid. Sigurisht, siç raporton RMC Sport, jo para finales së Champions League më 1 qershor. Lëvizja e tij te Los Blancos duhet të shpallet në javën e parë të qershorit. Sa i përket prezantimit, megjithatë, me siguri do të duhet të presim deri në gusht, kur do të jenë të pranishëm rreth 80 mijë persona, sponsorët, por edhe Zinedine Zidane dhe një Santiago Bernabeu i ri, me të gjitha punët e përfunduara.

Javier Tebas, presidenti i La Liga, i tha Olé: “Mbappé do të vijë në Madrid sezonin e ardhshëm. Ai është një nga lojtarët më të mirë në botë, por është edhe Vinicius e Bellingham. Real Madrid do të ketë një ekip të madh. Natyrisht kjo nuk jep garanci për të fituar kampionatin. Nëse ai dëshiron të fitojë Ligën e Kampionëve, që nuk e ka fituar kurrë? Ka pesë sezone për ta bërë këtë”.

Ai, megjithatë, i shpërblyer dje si më i miri në Ligue 1, foli kështu nga skena, siç raporton RMC Sport: “Kur do ta shpall klubin tim të ardhshëm? Në jetë duhet të marrësh kohë për gjithçka. E vetmja gjë për të ditur është se po largohem nga PSG-ja, ndoshta nuk është koha për ta zbuluar”.