Tashmë është zyrtare “goditja” e parë e Igli Tares si drejtor sportiv i Milanit. Massimiliano Allegri është zyrtarisht trajneri i ri i kuqezinjve. Një emër i njohur rikthehet në Milano për të drejtuar skuadrën drejt objektivave madhorë. Rikthim i trajnerit në stolin e “djallit” 11 vite pas eksperiencës së tij të fundit. Për Allegrin një kontratë dyvjeçare (me opsion për një të tretë) me vlerë 5 milionë në sezon plus 2 bonuse.
“AC Milan njofton se i ka besuar menaxhimin teknik të ekipit të parë të meshkujve Massimiliano Allegrit.
None found
I lindur në Livorno më 11 gusht 1967, Massimiliano Allegri, pasi luajti në Serie A me Pisa, Pescara, Cagliari, Perugia dhe Napoli, e filloi karrierën e tij si trajner në vitin 2002. Ai u ul në stolat e Aglianese, SPAL, Grosseto dhe Sassuolo, përpara se të thirrej nga Cagliari në vitin 2008, skuadër me të cilën bëri debutimin në Serie A. Në vitin 2010 ai mbërriti te Milani, me të cilin fitoi menjëherë titullin e 18-të në historinë e kuqezinjve dhe Superkupën e Italisë 2011. Nga viti 2014 në 2019 fillimisht dhe nga viti 2021 deri në 2024 më pas, ai u ul në stolin e Juventusit me të cilin fitoi 5 tituj kampionë në Itali, 5 Kupa Italie dhe 2 Superkupa Italie.
Klubi i uron fatin më të mirë Massimilianos dhe bashkëpunëtorëve të tij”, shkruhet në njoftimin e klubit kuqezi.
Ambasadori i Bashkimit Evropian në Kosovë, Dirk Schuebel, ka deklaruar se BE-ja dhe shtetet anëtare do të vazhdojnë ta mbështesin…
Partia Demokratike e Kosovës ka thirrur konferencë të jashtëzakonshme. Sipas njoftimit, përfaqësuesit e kësaj partie do t’i drejtohen mediave nga…
Granit Xhaka nuk do të jetë në dispozicion të përzgjedhësit Murat Yakin për ndeshjet e ardhshme të Zvicrës në Ligën…
Këtë të hënë, kreu i Partisë Demokratike, Sali Berisha, u paraqit në Prokurorinë e Posaçme kundër Korrupsionit dhe Krimit të…
Granit Xhaka është përballur me pyetje të shumta pas raportimeve se ndaj tij është hapur një hetim nga Prokuroria e…
Kancelari gjerman Friedrich Merz po përballet me krizën më të madhe të karrierës së tij politike, pasi humbjet e njëpasnjëshme…