Mareska paralajmëron Liverpulin dhe zbulon se në “Stamford Bridge” do të nderojnë kampionët e rinj të Premier Ligës

Për gati gjysmë sezoni Çelsi i Enco Mareskës ishte rivali krysor i Liverpulit, por ritmi i skuadrës së Slot ishte i pamundur për tu mbajtur për një seon të tërë.

Italiani premton se në sezonin e ardhshëm Çelsi i tij do të përmirësohet edhe më shumë për të rivalizuar deri në fund për titullin kampion.

“Këtë vit kemi hedhur baza të forta sa i përket të ardhmes. Mendoj se vitin që vjen do të jemi gati të rivalizojmë për titull deri në javën e fundit”, tha italiani.

Në vigjilje të takimit mes Çelsit dhe kampionëve të rinj të Anglisë, Mareska zbuloi se ekipi i tij do të nderojë lojtarët e Liverpulit duke u dhënë atë që njihet si parakalimi i nderit.