Maresca vlerëson Andersonin: Është një futbollist që i ka të gjitha

Enzo Maresca ka vlerësuar lart Elliot Andersonin pas kalimit të mesfushorit anglez te Manchester City, duke veçuar jo vetëm paraqitjet e tij në fushë, por edhe karakterin.

23-vjeçari vjen te “Qytetarët” pas një sezoni shumë të mirë me Nottingham Forest, ku luajti në të gjitha ndeshjet e Ligës Premier. Për më tepër, Anderson ishte lojtari që përshkoi distancën më të madhe në kampionat.

Mesfushori pati gjithashtu një ndikim të rëndësishëm me kombëtaren e Anglisë në Kupën e Botës 2026, duke kontribuar që “Tre Luanët” të siguronin një vend në gjysmëfinale.

Sipas trajnerit të Manchester Cityt, vlerat e Andersonit shkojnë përtej asaj që ai demonstron gjatë ndeshjeve.

Gjatë një prononcimi për City Studios në Seul, Maresca e cilësoi anglezin si një lojtar “fantastik”. Tek ai, italiani nënvizoi veçanërisht përulësinë dhe mënyrën e sjelljes.

“Kur marrim një vendim, nuk shohim vetëm se si është një lojtar në fushë. Shikojmë edhe personin, qenien njerëzore, dhe Elliot i ka të gjitha këto cilësi”, deklaroi Maresca.

Tekniku italian shtoi se bashkëpunimi me Andersonin do të jetë një kënaqësi, ndërsa mesfushori pritet të ketë një rol të rëndësishëm si një prej afrimeve kryesore të skuadrës për sezonin e ri.