Maresca pas suksesit 3-0 në “Anfield”: Përgjigjen duhet ta japim me fitore

Enzo Maresca, trajneri i Manchester Cityt, vlerësoi mënyrën se si futbollistët e tij përballuan presionin e shkaktuar nga akuzat financiare ndaj klubit, pas fitores 3-0 kundër Liverpoolit në “Anfield”.

Tekniku italian nënvizoi se skuadra duhet të jetë e aftë të menaxhojë kritikat që vijnë nga jashtë dhe t’u përgjigjet atyre përmes paraqitjeve në fushë.

Maresca pranoi se ndeshja ishte e vështirë për lojtarët, veçanërisht pas situatës së krijuar gjatë dy-tre javëve të fundit, por theksoi se ata e administruan shumë mirë presionin.

Sipas tij, zhurma e jashtme do të jetë gjithmonë e pranishme, ndaj ekipi duhet të mësojë si të përballet me të. Në të njëjtën kohë, ai kërkoi që Manchester City të krijojë zhurmën e vet duke fituar ndeshje, ashtu siç bëri ndaj Liverpoolit.

Trajneri shtoi se tifozët e skuadrës kënduan në fund të takimit, duke bërë që atmosfera të krijohej nga vetë ekipi dhe jo nga ambienti përreth.

“Në çdo ndeshje jashtë fushe do të ketë zhurmë, prandaj duhet të dimë si ta përballojmë. Por duhet të krijojmë edhe zhurmën tonë”, deklaroi Maresca.