Marco Reus mund të largohet përfundimisht nga Dortmundi gjatë verës pas 12 vitesh pjesë e tyre

Marco Reus mund të largohet përfundimisht nga Borussia Dortmundi në verë pas 12 vitesh në klub, sipas raportimeve të fundit.

Reprezentuesi gjerman iu bashkua Dortmundit në verën e vitit 2012 nga Borussia Monchengladbach, dhe ka shënuar plotë 167 gola në të gjitha garat gjatë kësaj kohe.

Ai gjitashtu ka bërë mbi 400 paraqitje me Dortmundit, në disa raste si kapiten i ekipit, dhe është ende pjesëtar i rregullt i ekipit ani pse në moshën 34-vjeçare.

Reus kishte nënshkruar një kontratë njëvjeçare në muajin prill për të qëndruar në ekip deri në verën e vitit 2024, por ende nuk ka nënshkruar një kontratë të re për ta zgjatur atë edhe më tutje.

Sipas asaj që raporton Foot Mercato, një numër i madh klubesh janë të interesuara për të nënshkruar me sulmuesin si lojtar i lirë, nëse kontrata e tij skadon në qershor.

Është pretenduar se disa klube që bëjnë garë në MLS e kanë joshur Reusin për të kaluar në Shtetet e Bashkuara, teksa edhe ish-klubi i tij Monchengladbach e ka konsideruar rikthimin e tij.

34-vjeçari momentalisht është i lirë për të diskutuar me klubet e huaja, pasi ka hyrë në gjashtë muajt e fundit të kontratës së tij aktuale me Dortmundin. /Telegrafi/