Manchester United është drejt finalizimit të transferimit të Andrey Santos, pasi ka gjetur marrëveshjen me Chelsean për blerjen e mesfushorit.
Për këtë operacion, United pritet të paguajë rreth 56 milionë euro, ndërsa marrëveshja përfshin edhe 2.3 milionë euro të tjera në bonuse që konsiderohen lehtësisht të realizueshme. Chelsea, nga ana e tij, ka siguruar edhe 10 për qind të fitimit nga një shitje e mundshme e ardhshme e lojtarit.
None found
Mesfushori 22-vjeçar, që mund të aktivizohet si numër 6 dhe si numër 8, ka pranuar kushtet personale me klubin nga “Old Trafford”. Po ashtu, ai ka marrë miratimin nga Chelsea për të udhëtuar dhe për ta përmbyllur kalimin.
Edhe pse Santos ka kontratë me “Blutë” deri në vitin 2030 dhe vlerësohet shumë nga klubi londinez, ai ka tërhequr vëmendjen e disa skuadrave të tjera.
Reprezentuesi brazilian synon të ketë një rol të qëndrueshëm në formacionin bazë, një objektiv që në “Stamford Bridge” duket më i vështirë për t’u arritur, sidomos pasi Moises Caicedo zgjati kontratën deri në vitin 2033 në muajin prill.
Santos iu bashkua Chelseat në janar të vitit 2023, pasi u transferua nga klubi brazilian Vasco da Gama. Gjatë sezonit 2025/26, ai bëri 43 paraqitje në të gjitha kompeticionet, duke shënuar tre gola dhe duke dhënë katër asistime.
Me kombëtaren e Brazilit, ai është paraqitur gjashtë herë, por nuk u përfshi në listën e Carlo Ancelotti për Kupën e Botës të kësaj vere.
Në gjysmën e parë të sezonit 2023/24, Santos luajti si i huazuar te Nottingham Forest, ku regjistroi vetëm dy paraqitje. Më pas, 18 muajt e ardhshëm i kaloi në huazim te Strasbourgu, ku në 45 ndeshje realizoi 12 gola dhe pesë asistime.
Paralelisht, Manchester United ka gjetur akord edhe me Atalantan për afrimin e mesfushorit Ederson, ndërsa tashmë mbeten vetëm testet mjekësore.
Sidoqoftë, skuadra do të vazhdojë të ketë mungesë eksperience në repartin e mesfushës dhe, në këtë drejtim, ende nuk e ka zëvendësuar plotësisht Casemiron, i cili luajti një rol jashtëzakonisht të rëndësishëm në arritjen e vendit të tretë në Ligën Premier sezonin e kaluar.
Ndërsa afrohet shpallja e aktgjykimit ndaj Hashim Thaçit, Kadri Veselit, Jakup Krasniqit dhe Rexhep Selimit, pyetja që po bëhet gjithnjë…
Agjenti i Pep Guardiolës ka mohuar raportimet se trajneri spanjoll mund të transferohej në Turqi, ku do të ribashkohej me…
Kryetari i Partisë Demokratike, Sali Berisha, rikthehet sot në Shqipëri pas vizitës së tij në Shtetet e Bashkuara të Amerikës,…
Detaje të reja janë zbardhur nga shpërthimi i ndodhur në derën e banesës së Mariglen Lalës, 36 vjeç, në Kamëz.…
OBRM-PDUKM ka zyrtarizuar kandidaturën e Stojanço Radiçevskin për kryetar të Komunës së Bërvenicës në zgjedhjet e jashtëzakonshme lokale, të cilat…
Policia e Kosovës ka arrestuar një person i cili dyshohet se përmes profilit të tij në rrjetin social, Facebook ka…