Manchester United dhe Coventry kanë barazuar me rezultat 3-3 në kohën e rregullt dhe në vazhdime në gjysmëfinalen e FA Cup e zhvilluar në ‘Wembley’, ku fituesi i bë i ditur me penallti, e ku më të suksesshëm ishin Djajtë e Kuq.
Djajtë e kuq e nisën shumë mirë ndeshjen, duke rrezikuar të parët me Marcus Rashford, por pa sukses.
Në minutën e 23-të, Man Utd zhbllokoi sfidën duke shënuar me Scott McTominay, që gjeti rrjetën pas asistimit të Diogo Dalot për 1-0.
Pas golit u hap ndeshja dhe kishte raste nga të dyja palët, por golin e dytë e shënuan sërish Djajtë e Kuq.
Ishte Harry Maguire që gjeti rrjetën në fundin e pjesës së parë për 2-0 me një goditje me kokë.
Me të filluar pjesa e dytë, Man Utd shtoi epërsinë në 3-0 me golin e Bruno Fernandes.
Me këtë rezultat u mendua që Djajtë e Kuq vetëm se kishin siguruar fitore, por që nuk doli ashtu, pasi që Coventry u lëshua në sulm.
Ellis Simms hapi ndeshjen me një gol në minutën e 71-të për 3-1.
Nuk vonoi shumë dhe Coventry sërish arriti të shënojë, kësaj radhe me Callum O’Hare për 3-2.
Minutat e fundit, skuadra e nivelit të dytë të futbollit anglez filloi golin e barazimit.
Coventry fitoi penalti në kohën shtesë dhe Haji Wright ishte i saktë nga pika e bardhë për 3-3.
Skuadrat nuk arritën të shënonin në minutat e mbetur dhe ndeshja shkoi në vazhdime.
Kur pritej që në kohën shtesë, Manchester United të shënonte dhe të mbyllte ndeshjen, nuk ia arrite me rastet e Fernandes dhe Maguire.
Kur po zhvillohej minuta e parë e kohës shtesë të pjesës së dytë të vazhdimeve, në skenë doli Victor Torp, që shënoi për 4-3.
Por pasi goli u rishikua në VAR, u anulua për pozitë jashtë loje, duke i mbajtur në lojë Man Utd.
Pas penalltive më të suksesshëm dolën të jenë lojtarët e Man Utd që do të takohen në finale me Manchester Cityn. /Telegrafi/
Në një mbledhje të tensionuar të kabinetit qeveritar izraelit, Kryeministri Benjamin Netanyahu ka kundërshtuar presionet nga Shefi i Shtabit të…
Një aksident me pasojë vdekjen raportohet të ketë ndodhur mesditën e sotme në aksin rrugor Levan-Vlorë në afërsi të fshatit…
Partia Demokratike i është drejtuarit Komisionit Rregullator me një padi ku kërkon shpalljen të pavlefshme të zgjedhjeve të 11 majit,…
Sot është një ditë e veçantë për binjakët më të dashur të publikut shqiptar, Donald dhe Romeo Veshaj. Dy vëllezërit,…
Pas ndarjes së Gjestit dhe Eglit, rrjeti u mbush me aludime se Kaderi mund të ketë qenë një nga arsyet…
Kryetari i PD, Sali Berisha thotë së Shqipëria nën drejtimin e Edi Ramës u bë “feneri ndriçues i sorosizmit” në Europë.…