Manchester City është shpallur kampion i botës për klube, pasi mposhti në finale Fluminensen me rezultat të thellë 4-0.
City e gjeti golin e avantazhit që në minutën e parë, ku fillimisht Nathan Ake godet shtyllën nga një distancë e konsiderueshme dhe topin e kthyer e shfrytëzoi Julian Alvarez, i cili me lehtësi shënoi për 1-0.
None found
Pas golit të shënuar, City mori kontrollin e ndeshjes duke arritur ta menaxhojë mirë epërsinë e krijuar.
“Qytetarët” dyfishuan epërsinë në minutën e 27-të, pasi qendërmbrojtësi brazilian Nino, shënoi në rrjetën e portës së tij për shifrat 2-0.
Pjesa e dytë u karakterizua me dominim të plotë të anglezëve, të cilët përkundër avantazhit prej dy golave kërkonin me ngulm edhe gola të tjerë.
City pati dy raste të mira me Bernardo Silvan dhe Phil Foden, por portieri veteran i brazilianëve Fabio ua mohoi golin.
Kampioni anglez mbylli përfundimisht dilemën e fituesit në minutën e 74-të, kur Phil Foden shënoi për 3-0 pas asistimit të Julian Alvarez.
City gjeti rrugën e rrjetës edhe një herë tjetër në këtë sfidë, kur Julian Alvarez (88’) shënoi golin e tij të dytë personal dhe të katërtin për ekipin e tij, për rezultatin përfundimtar 4-0.
Kjo ishte hera e parë në histori të klubit anglez që shpallet kampion i këtij kompeticioni, teksa tani ata numërojnë pesë trofe të fituar në vitin 2023. /Telegrafi/
Të hënën do të mësohet se cilin model të subvencionimit të shujtës studentore preferojnë studentët, pas përfundimit të referendumit studentor.…
Nesër, më 19 nëntor 2026, janë planifikuar ndërprerje të furnizimit me energji elektrike në disa lokacione në Tetovë dhe komunat…
Presidentja e Kosovës, Justina Shiroka Pula, ka marrë pjesë sonte në edicionin e gjashtë të aktivitetit kulturor të komuniteteve rom,…
Deputetja e Partisë Demokratike, Ina Zhupa, ka kritikuar në seancën plenare buxhetin e qeverisë, duke e akuzuar atë se braktis…
Revista amerikane “The Atlantic” i ka kushtuar një artikull të gjatë protestave në Shqipëri, duke analizuar se si kundërshtimi ndaj…
Një rast i mosrikthimit në institucionin e vuajtjes së dënimit është shënuar në burgun e Rrogozhinës. I dënuari Aurel (Artir)…