Manchester City humbet Jeremy Dokun, anësori belg pritet të mungojë disa javë

Manchester City është përballur me një tjetër shqetësim, pasi Jeremy Doku ka pësuar një dëmtim në pulpë gjatë humbjes 3-0 ndaj Arsenalit në Community Shield dhe pritet të qëndrojë jashtë fushave për disa javë.

Futbollisti belg nuk e përfundoi ndeshjen, pasi u zëvendësua në pushim. Pas përfundimit të takimit, ai u fotografua me akull në zonën e dëmtuar.

Mediumi belg “Nieuwsblad” raporton se në kampin e Manchester Cityt ekziston frika se problemi i fundit fizik mund të jetë i lidhur me vështirësitë që Doku ka kaluar që prej Kampionatit Botëror. 24-vjeçari më parë ka vuajtur nga një infeksion i rëndë respirator, si edhe nga një dëmtim në kyçin e këmbës, çka e ka penguar të kryejë një përgatitje të rregullt parasezonale.

Si rrjedhojë, anësori belg do të mungojë me siguri në përballjen hapëse të Manchester Cityt në Ligën Premier, kundër Bournemouthit, këtë fundjavë.

Klubi anglez shpreson se një periudhë më e gjatë rikuperimi do t’i mundësojë Dokut të shërohet plotësisht dhe të rikthehet në nivelin e tij më të mirë.

Doku e nisi nga minuta e parë përballjen me Arsenalin në Community Shield, por nuk mundi të linte gjurmë në lojën e Cityt, që u mposht 3-0 në Cardiff.