Liverpooli përballet me largime të mëdha: Nëntë futbollistë mund të ikin nga “Anfield

Numri i lartë i futbollistëve në ekip dhe kufizimet e regjistrimit mund ta detyrojnë Liverpoolin të largojë deri në nëntë lojtarë përpara se afati kalimtar veror të përfundojë më 1 shtator.

Gjatë kësaj vere, “Të Kuqtë” kanë realizuar vetëm dy transferime, duke afruar Victor Munoz dhe Ronald Araujo. Megjithatë, skuadra e parë përbëhet aktualisht nga 31 futbollistë mbi moshën 21-vjeçare.

Rregullat e Ligës Premier u lejojnë klubeve të regjistrojnë jo më shumë se 25 lojtarë. Edhe pse Liverpooli numëron 14 futbollistë që i përmbushin kushtet për t’u konsideruar të formuar në Angli, kjo nuk e zgjidh çështjen e tejkalimit të numrit të përgjithshëm.

Vështirësitë shtohen për regjistrimin në Ligën e Kampionëve. Për këtë garë, Liverpooli duhet të marrë në shqyrtim 33 lojtarë, mes të cilëve edhe Jeremy Jacquet dhe Giovanni Leoni.

Nëse asnjë futbollist nuk largohet deri në mbylljen e afatit kalimtar, klubi do të jetë i detyruar të mos përfshijë gjashtë lojtarë në listën e Ligës Premier dhe tetë të tjerë në atë të Ligës së Kampionëve.

Çdo transferim i ri do ta ndërlikonte më tej situatën. Liverpooli po vazhdon kërkimet për përforcime në repartin ofensiv, ndërsa Bradley Barcolan e Paris Saint-Germainit përmendet si një nga objektivat kryesorë.

Për rrjedhojë, drejtuesit e klubit pritet të përballen me një sfidë të madhe në javët e fundit të merkatos: të shesin ose të huazojnë disa futbollistë, në mënyrë që të lirojnë vende në skuadër dhe të veprojnë në përputhje me rregullat e regjistrimit.