Liverpooli mposht Chelsean dhe fitojnë Carabao Cup

Liverpooli e ka fituar Carabao Cup apo ndryshe e njohur si EFL Cup, pasi në finalen mposhti Chelsean, por vetëm pas vazhdimeve, pasi koha e rregullt përfundoi 0-0.

Ndeshjen më mirë e nisën The Reds, kur rrezikuan me anë të Luis Diaz në minutën e 14-të, por goditja e tij u prit nga portieri i Bluve.

Chelsea filloi të merrte pak nga loja dhe krijoi shansin e parë me anë të Cole Palmer (20’), mirëpo Caimhin Kelleher bëri pritje bravuroze.

Bluë më pas ia dolën të shënonin nëpërmjet Raheem Sterling në minutën e 33-të, por që goli u anulua, shkaku që Nicolas Jackson ishte në pozitë jashtë loje dhe kishte ndërhyrje në aksion.

Në 45 minutat e dytë, Chelsea e nisi më mirë, duke rrezikuar nëpërmjet Enzo Fernandez, por që goditja e tij në minutën e 52-të përfundoi jashtë.

Tetë minuta më vonë, Liverpooli mendoi se kishte shënuar me anë të Virgil van Dijk, por edhe ky gol u anulua për pozicion jashtë loje, shkaku që Wataru Endo ishte pjesë e aksionit.

Në minutën e 86-të, Conor Gallagher shpërdoroi dy shanse të njëpasnjëshme, duke mos arritur të mposhte portierin e Reds na afërsia.

Kushti, ndeshja shkoi në vazhdime, ndërsa as aty rastet nuk munguan.

Cole Palmer për Chelsea dhe Harvey Elliott për Liverpoolin rrezikuan, por që as këta të dytë nuk ia dolën të shënonin.

Van Dijk ishte heroi i Liverpoolit, pasi shënoi në minutën e 118-të për rezultatin 1-0 dhe Reds ia dolën të fitonin trofeun e parë për këtë vit.