Liverpooli kërkon 85 milionë funte për Cody Gakpon pas interesimit të Manchester Cityt dhe Tottenhamit

Cody Gakpo mund të largohet nga Liverpooli, pasi sulmuesi holandez është kthyer në objektiv të Manchester Cityt dhe Tottenhamit.

Gazetari i The Times, Paul Joyce, raporton se klubi anglez e ka vlerësuar reprezentuesin e Holandës në rreth 85 milionë funte.

Vlera e kërkuar është e ngjashme me shumën që Tottenhami pagoi për Savion, ish-anësorin e Manchester Cityt. Megjithatë, Gakpo gëzon më shumë përvojë dhe ka një CV më të pasur në Ligën Premier.

“Reds” janë të hapur për shitjen e tij, por largimi i mundshëm do t’i detyronte të gjenin një zëvendësues, krahas transferimit të pritshëm të Bradley Barcolas nga Paris Saint-Germaini.

Yankuba Minteh i Brightonit dhe Ismaila Sarr i Crystal Palace janë gjithashtu pjesë e listës së dëshirave të kampionit anglez. Sidoqoftë, të dy klubet i kanë hedhur poshtë ofertat e para të Liverpoolit.

Me Manchester Cityn dhe Tottenhamin që po intensifikojnë interesimin për Gakpon, e ardhmja e tij pritet të jetë ndër temat më të diskutuara në ditët e fundit të afatit kalimtar.