Lionel Messi ka vendosur dy rekorde të reja, pasi mori çmimin si lojtari më i mirë në botë për vitin 2023 nga FIFA.
Messi e mposhti në këtë garë dyshen Erling Haaland dhe Kylian Mbappe, ani pse nuk ishte i pranishëm fizikisht për të marrë këtë çmim, në një mbrëmje gala që u mbajt në Londër.
Sidoqoftë, nuk ishte një fitore aq bindëse e argjentinasit, pasi FIFA ka konfirmuar se ai dhe Haaland e kanë përfunduar garën me pikë të barabarta.
Këto pikë u grumbulluan nga votat e trajnerëve të kombëtareve dhe kapitenëve, gjithashtu edhe të tifozëve dhe gazetarëve.
Por për shkak se Messi mori më shumë vota nga kapitenët e kombëtareve, ai mori vendin e parë duke përjetuar një tjetër triumf pas atij të Topit të Artë në start të sezonit të kaluar.
Messi krijoi edhe më shumë histori teksa u bë lojtari i parë jashtë Evropës që e fiton këtë çmim prestigjioz.
Ai tashmë po luan në Shtetet e Bashkuara të Amerikës tek Inter Miami, ku në 14 ndeshje sezonin e kaluar shënoi 11 gola si dhe fitoi Kupën e Ligës.
36-vjeçari gjithashtu u bë pjesë e formacionit më të mirë në botë për herë të 17-të radhazi, duke vendosur një rekord që askush nuk e kishte arritur më parë. /Telegrafi/
Gazetarja Anila Hoxha ka publikuar përmes një postimi në Facebook, një bisedë të ndodhur, ku dyshohet se bëhet fjalë për…
Ervin Salianji kritikoi mbledhjet e fundit të Partisë Demokratike, duke theksuar se ato shpesh shndërrohen në “gjyqe ndaj demokratëve” dhe…
Një aksident i rëndë ka ndodhur mbrëmjen e sotme në aksin rrugor Tapizë-Fushë Krujë, ku një drejtues automjeti ka përplasur…
Banori më i ri i Big Brother VIP Kosova 4, Ludo Lee, ka rrëfyer periudhën e jetës së tij kur…
Festivali i Këngës në RTSH nis zyrtarisht më 17 dhjetor, një garë që do të zhvillohet për katër net radhazi,…
Nëna e Bleona Matës ka bërë një rrëfim të dhimbshëm dhe tronditës diten e sotme ne ‘Ftese ne 5’, duke…