Legjionarët kuqezi po kalojnë një moment shumë të mirë, teksa edhe gjatë javës që lamë pas, shumë prej tyre ishin vendimtarë në fushë me skuadrat ku aktivizohen.
2 gola dhe një rekord historik për Myrto Uzunin, i cili shkëlqeu në fitoren e Granadës 3-0 ndaj Racing Santander. Sulmuesi kuqezi u bë golashënuesi më i mirë i huaj në historinë e klubit të Granadës, ndërsa këtë sezon numëron 11 gola në kampionat.
None found
Vendimtarë këtë fundjavë me klubet e tyre ishin edhe Mario Mitaj, Arbër Hoxha dhe Mirlind Daku.
Në Arabinë Saudite, Mario Mitaj dhuroi asistin vendimtar në fitoren e Al Ittihad ndaj Al Nassr. Futbollisti kuqezi shërbeu saktë për Bergwijn në fund të takimit dhe holandezi realizoi golin e dytë. Ndeshja u mbyll 2-1 për skuadrën e Al Ittihad.
Arbër Hoxha e nisi si titullar në ndeshjen Dinamo Zagreb – Slaven Belupo. Në minutën e 23-të, ai asistoi saktë për Kacavend, i cili zhbllokoi rezultatin. Në fund, ndeshja u mbyll në barazim 1-1.
Mirlind Daku dha një asist në fitoren e Rubin Kazan në transfertën ndaj Dynamo Makhachkala 2-3. Sulmuesi kuqezi shërbeu saktë për shokun e skuadrës në minutën e 43-të të pjesës së parë.
Një tjetër lajm fantastik ishte rikthimi në fushë i dy lojtarëve të Kombëtares shqiptare, Armando Broja dhe Medon Berisha. Futbollistët kanë lënë pas dëmtimet dhe morën disa minuta me ekipet e tyre.
Rrugën e rrjetës këtë fundjavë e gjeti edhe Stiven Shpendi. Sulmuesi që aktivizohet me skuadrën e Carrarese në Serinë B italiane realizoi golin vendimtar në ndeshjen ndaj Palermos, në minutën e 77-të. Takimi përfundoi 1-0 për Carrarese.
Titullarë me skuadrat e tyre u aktivizuan Thomas Strakosha, Alen Sherri, Elhan Kastrati, Ardian Ismajli, Jon Mersinaj, Berat Gjimshiti, Enea Mihaj, Ylber Ramadani, Amir Abrashi, Feta Fetai, Qazim Laçi, Taulant Seferi, Keidi Bare, Rey Manaj dhe Anis Mehmeti, ndërkohë dhanë kontributin e tyre si zëvendësues Ivan Balliu, Kristjan Asllani, Nedim Bajrami, Ernest Muçi dhe Arbnor Muja.
Koalicioni VLEN pritet të marrë pozicionet e zëvendësministrave në dikasteret e Shëndetësisë dhe të Politikës Sociale, pas bisedimeve dhe marrëveshjes…
Një incident i ri ka ndodhur brenda 24 orëve në një shkollë të mesme në lagjen Esenyurt të Stambollit, pasi…
Shtetet e Bashkuara po kërkojnë më shumë informacion nga Rusia pas vdekjes së një 28-vjeçareje që punonte në Institutin e…
Zëvendëskryeministri i parë dhe ministri për Çështje Evropiane, Bekim Sali, zhvilloi takim me zëvendësministren për çështje të Bashkimit Evropian të…
Ismail Tasholli nga “Liria ka emër”, e cila njëherit është edhe organizatore e protestave në diasporë, i është kundërpërgjigjur BE-së,…
Kryetari i PDK-së, Bedri Hamza, ka deklaruar se Kuvendi i Kosovës e ka përmbushur përgjegjësinë e vet me miratimin e…