Në prag të publikimit të listës së lojtarëve për ndeshjet e fazës play-off ndaj Polonisë më 26 mars, futbollistët e Kombëtares shqiptare kanë dhënë sinjale mjaft pozitive me klubet e tyre në kampionatet ku aktivizohen.
Një nga protagonistët e javës ishte Taulant Seferi, i cili vazhdon të jetë vendimtar për Bodrumspor. Sulmuesi shqiptar gjeti rrugën e rrjetës në ndeshjen ndaj Igdir FK, duke realizuar nga pika e bardhë e penalltisë.
None found
Lajme të mira vijnë edhe nga Italia, ku Stiven Shpendi shënoi për Empolin, duke arritur shifrën e 11 golave këtë sezon dhe duke konfirmuar formën e tij të mirë para grumbullimit me Kombëtaren.
Një tjetër zhvillim pozitiv është rikthimi në fushë i Armando Brojës me Burnley. Sulmuesi kuqezi u aktivizua pas një dëmtimi që e kishte mbajtur jashtë për pesë ndeshje radhazi, duke shtuar opsionet në repartin ofensiv të Kombëtares.
Gjatë kësaj jave, minuta si titullarë me skuadrat e tyre morën edhe Thomas Strakosha, Berat Gjimshiti, Arlind Ajeti, Ardian Ismajli, Mario Mitaj, Kristjan Asllani, Ylber Ramadani, Ernest Muçi, Juljan Shehu, Rey Manaj, Nazmi Gripshi, Myrto Uzuni, Cristian Shpendi dhe Klisman Cake.
Ndërkohë, nga stoli u aktivizuan Arbër Hoxha, Armando Broja dhe Indrit Tuci.
Performancat pozitive të futbollistëve shqiptarë vijnë në një moment kyç, vetëm pak ditë përpara publikimit të listës së trajnerit dhe përballjes së rëndësishme ndaj Polonisë në fazën play-off.
Polemikat pas përfundimit të “Big Brother” vijojnë të jenë në qendër të vëmendjes, ndërsa situata mes ish-banorëve duket se është…
Reperi Kleviol Ahmeti, i njohur në publik si “Cllevio”, është liruar sot nga burgu, pasi ka përfunduar dënimin e tij…
Izraeli është njoftuar se afati i Donald Trump për Iranin për të arritur një marrëveshje skadon të dielën, raportoi sot…
Në fshatin Jubë të Durrësit, tre vëllezërit Balla gjithë jetën ia kanë kushtuar bujqësisë. Aktualisht ata kanë mbi 300 ha,…
Bashkia e Tiranës ka prezantuar një plan rezervë në rast se kompania e ndërtimit “Arlis” falimenton përpara se të rindërtojë…
Ndryshime të rëndësishme janë bërë në strukturat drejtuese të Policisë së Shtetit, me urdhër të Drejtorit të Përgjithshëm, Skënder Hita.…