Le të largohet Alphonso Davies, Bayern Munichu ka gjet një top lojtar që është vetëm 22 vjeç

Bayern Munich po përgatitet për një të ardhme pa Alphonso Davies. Siç raportohet nga MARCA, refuzimi i mbrojtësit të majtë kanadez 23-vjeçar për të rinovuar një kontratë që përfundon në 2025 dhe shitja e tij e mundshme te Real Madridi verën e ardhshme kanë hapur një vrimë në mbrojtjen bavareze. Nëse kanadezi largohet, ata do të kishin vetëm Raphael Guerreiron për atë pozicion.

Dhe nisur nga kjo situatë, drejtorët sportiv po punojnë tashmë për kërkimin e trajnerit të ardhshëm (Tuchel do të largohet në korrik) dhe për konfigurimin e skuadrës së re.

“Ne kemi nevojë për yje, por edhe për talentë të rinj dhe të uritur”, deklaroi Max Eberl, drejtori i ri sportiv i Bayernit, i cili, nën ombrellën e Christoph Freund, tashmë ka identifikuar disa nga objektivat për tregun e ardhshëm. Dhe njëri prej tyre është Miguel Gutierrez.

Sipas ‘Sport Bild’, Bayern do të ishte i interesuar për mbrojtësin e majtë 22-vjeçar spanjoll nga Girona. Ai po ia del shumë mirë (një gol dhe katër asistime në 26 ndeshje) me skuadrën e Michel, zbulimi i madh i sezonit në La Liga dhe gjiganti gjerman e ka atë si dëshirën e madhe për të zëvendësuar Davies. Një tjetër kandidat, sipas mediave gjermane, është Theo Hernandez.

Megjithatë, nënshkrimi i tij nuk është i lehtë. Siç raporton MARCA, Real Madrid ka gjysmën e kartonit të tij dhe nëse Girona e shet për klauzolën e tij (30 milionë euro), skuadra madrilene do të merrte 15 milionë.

Për më tepër, skuadra e Ancelottit mund ta blejë atë për tetë milionë euro verën e ardhshme, pasi ata ende kanë ‘kontrollin’ e lojtarit. Ajo që nuk duket e mundshme është që Madridi të nënshkruajë me të për ta shitur. /Telegrafi/