Lamine Yamal tregon finalen që dëshiron në Botëror: përballë Argjentinës dhe me fanellën e Messit

Lamine Yamal, një nga emrat më të spikatur të Spanjës, ka folur për një prej ëndrrave të tij më të mëdha në Kupën e Botës: një finale ndaj Argjentinës, kampiones në fuqi.

Futbollisti i Barcelonës ka thënë se, në rast se La Roja shkon deri në aktin përmbyllës të turneut, kundërshtari që do të dëshironte përballë do të ishte ekipi i Lionel Messit. Megjithatë, ai e ka bërë të qartë se objektivi kryesor mbetet fitimi i trofeut më të rëndësishëm në futboll.

Në një bisedë për Mundo Deportivo, Yamal u vu përballë pyetjes se me cilin lojtar do të donte të shkëmbente fanellën pas ndeshjes.

Përgjigjja e tij ishte e drejtpërdrejtë dhe e shkurtër: “Me Messin”.

Më pas, kur iu kërkua të zgjidhte kombëtaren që do të donte të përballej në finale, nëse Spanja arrin deri aty, talenti spanjoll nuk la vend për dyshime: “Argjentinën”.

Edhe pse ende shumë i ri, Yamal ka shfaqur ambicie të mëdha, por njëkohësisht ka theksuar se çdo dëshirë personale mbetet në plan të dytë përballë synimit madhor, triumfit në Kupën e Botës.

Botërori në Amerikën e Veriut ka prodhuar jo pak befasi, ndërsa disa futbollistë kanë dalë fuqishëm në pah në arenën ndërkombëtare.

I pyetur se kush ka qenë surpriza më e madhe e turneut deri në këtë pikë, Yamal veçoi heroin e Marokut, Ismael Saibarin.//