Lajm rëndësishëm nga CAS për kombëtaren Shqiptare, vjen konfirmimi për Nedim Bajramin

Një lajm shumë i  rëndësishëm vjen nga CAS-i për kombëtaren Shqiptare në prag të tre sfidave të rëndësishme eliminatore për Katar 2022.

Nedim Bajrami ka marrë konfirmimin për të qenë pjesë e skuadrës që në ndeshjen e parë përballë Polonisë, njofton FSHF.

Mesfushori që po shkëlqen në Serie  A me Empolin pritet të vihet shpejt nën urdhërat e Edi Rejas.

Njoftimi i FSHF-s: 

Nedim Bajrami është tashmë zyrtarisht pjesë e Kombëtares shqiptare. Federata Shqiptare e Futbollit prej disa muajsh kishte nisur procedurat për të bërë të mundur aktivizimin e Bajramit me Shqipërinë por pas refuzimit të parë nga organet ndërkombëtare, Drejtoria Juridike e FSHF ju drejtua Gjykatës Ndërkombëtare të Arbitrazhit Sportiv në Lozanë.

Pas përgatitjes së dosjes voluminoze, me të gjithë dokumentacionin e duhur, konsultimit me ekspertët më të mirë të drejtësisë dhe shumë orëve punë, Federata Shqiptare e Futbollit arriti të triumfojë në CAS duke arritur të sigurojë shërbimet një lojtari që do ta ndihmojë shumë skuadrën tonë Kombëtare sicc është shprehur edhe trajneri Edoardo Reja.

Gjyqi i dytë ndërkombëtar që fiton Federata Shqiptare e Futbollit, kjo padiskutim një arritje shumë e rëndësishme për institucionin e futbollit në vend, që tregon se duke përgatitur procese të rregullta dhe punuar në mënyrë serioze, drejtësia triumfon, ashtu siҫ ishte rasti i gjyqit ndërkombëtar për ndeshjen Serbi-Shqipëri.

FSHF i uron mirë se ardhjen Nedim Bajramit dhe i uron suksese të mëdha me fanellën e shenjtë kuqezi.