Sulmuesi francez, Kylian Mbappe ka vendosur një rekord tjetër te Paris Saint-Germain, duke tejkaluar Edinson Cavanin në listën e golashënuesve më të mirë të klubit në ndeshjet e zhvilluara në Parc des Princes.
Duke shënuar golin e dytë në fitoren 2-0 të së mërkurës mbrëma ndaj Toulouse në Trophée des Champions, Mbappe është tani golashënuesi më i mirë i të gjitha kohërave në Parc des Princes, duke shënuar golin e tij të 111-të në terrenin vendas dhe duke kaluar ish-shënuesin e 110 golave, Edinson Cavani, të shënuar midis 2013 dhe 2020.
None found
Ashtu si ‘El Matador’, Mbappe arriti momentin historik në sezonin e tij të shtatë në klub. Një udhëtim që filloi më 30 shtator 2017, kur ai shënoi golin e tij të parë në shtëpi në fitoren 6-2 ndaj Bordeaux.
111 golat për Mbappen kanë ardhur kundër 42 kundërshtarëve të ndryshëm, duke filluar me viktimat e tij më të shpeshta Dijon (7 gola të shënuar), Lille, Metz dhe Monaco (6 gola), dhe më pas Angers, Lyon, Marseille, Montpellier, Nantes dhe Saint-Etienne (5 gola).
Golat e Cavanit erdhën kryesisht kundër Guingamp (10 gola të shënuar), Bordeaux dhe Saint-Etienne (8 gola) dhe Reims (6 gola).
Sezoni më pjellor i Mbappes në Parc des Princes ishte sezoni 2018/19, me 23 gola të shënuar, i ndjekur nga sezonet 2021/22 (20 gola) dhe 2022/23 (18 gola).
Për Cavanin, sezoni 2017-18 ishte më i suksesshmi i tij me 24 gola në Parc de Princes, i ndjekur nga sezonet 2016/17 (21 gola) dhe 2014/15 (20 gola).
Statistikat e dy lojtarëve sipas konkurrencës janë pothuajse identike: 83 gola në Ligue 1, 17 gola të Ligën e Kampionëve, 7 gola në Coupe de France dhe 3 gola të Coupe de la Ligue për Cavanin, krahasuar me 88 gola në Ligue 1, 18 gola në Ligën e Kampionëve, 3 gola në Coupe de France, 1 gol në Coupe de la Ligue dhe tani 1 gol Trophée des Champions për Mbappen.
E vetmja pikë ndryshimi midis të dyve është se vetëm Kylian arriti të shënoj kater gola brenda një ndeshje në Parc des Princes, kundër Lyonit më 7 tetor 2018.
Një tjetër rekord për golashënuesin më të mirë të të gjitha kohërave të klubit, i cili e gërsheton emrin e tij pak më thellë në folklorin e Paris Saint-Germain. /Telegrafi/
Një gjykatë federale e apelit në Shtetet e Bashkuara urdhëroi të premten administratën e presidentit Donald Trump të ndalojë përkohësisht…
Nëse je i dehur, je ndëshkuar më parë nga policia për këtë shkelje të Kodit Rrugor dhe drejton makinën sërish…
Administrata e Donald Trump publikoi të premten grupin e pestë të dosjeve të deklasifikuara mbi fenomenet ajrore të paidentifikuara (UFO/UAP),…
Liverpooli dhe Paris Saint-Germain ende nuk kanë arritur një marrëveshje për vlerën e sulmuesit francez Bradley Barcola, raporton gazeta prestigjioze…
Gjykata e Apelit ka aprovuar ankesën e mbrojtjes dhe ka kthyer në rigjykim rastin e Endrit Nikës, i cili ishte…
Cristiano Ronaldo dhe Kristjan AsllaniSkuadra e Interit po kërkon më shumë opsione në fazën ofensive, sikurse “rrugë” të ndryshme për…