Raundi i 1/32-ve në Kupën e Shqipërisë u mbyll me 13 takimet e zhvilluara këtë të mërkurë, në një fazë ku nuk munguan golat dhe rezultatet e thella. Pas këtyre sfidave, janë përcaktuar skuadrat që do të vijojnë garën në raundin e 1/16-ave.
None found
Laçi, një nga ekipet e Abissnet Superiores, siguroi kualifikimin pas fitores 8-2 ndaj Këlcyrës. Me rezultat edhe më të thellë triumfoi Pogradeci, që eliminoi Delvinën duke e mposhtur 7-0.
AF Luftëtari zhvilloi një ndeshje të sigurt në shtëpi dhe fitoi 5-0 kundër Tomorit, duke prerë biletën për fazën e ardhshme.
Shiroka nuk hasi vështirësi në transfertë, teksa Lushnja u mposht 4-0 dhe skuadra mike avancoi më tej.
Besa përmbysi disavantazhin dhe mposhti Devollin 4-1, ndërsa Kastrioti realizoi një tjetër përmbysje, duke fituar 3-1 ndaj Luzit. Në turin tjetër kaluan edhe Bylisi, pas fitores 4-1 kundër Albpetrolit, si dhe Apolonia, që mundi Maliqin 3-1.
Kukësi e siguroi suksesin ndaj Erzenit me një gol të shënuar në minutat e fundit, duke fituar 3-2 në shtëpi. Iliria dhe Kopliku dhuruan një përballje spektakolare, e cila përfundoi me fitoren 4-3 të vendasve.
Butrinti triumfoi 2-1 ndaj Orikut, ndërsa Korabi mposhti me të njëjtin rezultat Tërbunin. Një surprizë erdhi nga Eagle FA, që eliminoi Burrelin pas fitores 3-1.
Ndeshjet e zhvilluara një ditë më herët sollën kualifikimin e Flamurtarit, që mundi Gramshin 4-1, dhe të Skënderbeut, që fitoi 4-1 ndaj Naftëtarit. Besëlidhja, ndërkohë, iu desh të luante në kohën shtesë për të mposhtur Sopotin 2-1 dhe për të siguruar vazhdimësinë në Kupë.
Tensionet ushtarake në Lindjen e Mesme vijojnë të përshkallëzohen, pasi një valë e re sulmesh u regjistrua në orët e…
Ish-kryeministri i Bullgarisë dhe trashëgimtari i fronit perandorak bullgar, Simeon Saxe-Coburg, për mosmarrëveshjen Maqedonia e Veriut-Bullgari thotë se shumë nga…
Rreth 120 raste të reja me kancer të qafës së mitrës diagnostikohen çdo vit, ndërsa rreth 50 për qind e…
Ish-kryeministri i Bullgarisë dhe trashëgimtari i fronit perandorak bullgar, Simeon Saxe-Coburg, për mosmarrëveshjen Maqedonia e Veriut-Bullgari thotë se shumë nga…
Presidenti rus Vladimir Putin dhe homologu i tij kinez Xi Jinping zhvilluan një takim dyorësh në qytetin e Shenzhenit, në…
Kupa e ShqipërisëSot do të luhen 6 ndeshjet që përmbyllin turin e dytë të Kupës së Shqipërisë [...]Read More...