Kualifikueset e Europianit/ Kosova U-19 bën historinë, mund Spanjën me 4-3!

Kombëtarja e Kosovës U19 ka arritur një fitore të jashtëzakonshme kundër Spanjës, duke përmbysur rezultatin dhe triumfuar 4-3 në ndeshjen e dytë të kualifikuesve për Evropianin 2024, që është zhvilluar të shtunën në stadiumin “Fadil Vokrri” në Prishtinë.

Spanjollët kanë marrë udhëheqjen e hershme në minutën e katërmbëdhjetë, kur Pau Prima ka shënuar golin e parë, ndërsa në minutën e njëzet e gjashtë, Oscar Marcos e e ka dyfishuar epërsinë për të kampionët aktualë të Evropës për këtë grupmoshë.

Megjithatë, djemtë e drejtuar nga trajneri Adil Maliqi kanë reaguar shpejt dhe e kanë ngushtuar rezultatin në minutën e njëzet e tetë me golin e Dior Gërbovcit. Në minutën e tridhjetë e katërt, Edion Gashi e ka barazuar rezultatin në 2-2. Krijimi i avantazhit ka ardhur pas një autogoli të portierit spanjoll, Raul Jimenez.

Në fillim të pjesës së dytë, Spanja e ka barazuar përsëri përmes Omar Janneh, që ka shënuar në minutën e dyzet e shtatë për 3-3. Por pastaj, Elvir Gashijani, futbollisti i Llapit, e ka shënuar golin e fitores në minutën, duke e çuar rezultatin përfundimtar në 4-3 për Kosovën.

Pas këtij rezultati, Grupi 10 i kualifikimeve për “Euro 2025” mbetet i hapur, duke u vendosur përfundimisht në xhiron e fundit. Kosova U19 dhe Spanja ndajnë vendin e dytë dhe të tretë me nga tre pikë secila, pas Austrisë që kryeson grupin me gjashtë pikë. Ishujt Faroe janë të fundit pa pikë.