Liverpool raportohet se kontakoi me Xabi Alonso dhe i ofroi postin e trajnerit për sezonin e ardhshëm. Bisedimet nisën menjëherë pasi tekniku i të kuqve Jurgen Klop u komunikoi drejtuesve se kishte vendosur që të largohej nga detyra pas 8 vitesh e gjysmë.
Pak javë më parë, gjermani me anë të një videomesazhi u tha tifozëve se kishte vendosur që të largohej nga “Anfield Road”, pasi po i shteronin energjitë.
Kjo deklaratë e tij solli mjaft befasi e trishtim në klubin anglez, që nisi nga puna për të gjetur zëvendësuesin e tij. Sipas francezëve të “Foot Mercato”, te Liverpooli besojnë se do të bindin një nga figurat që ka qenë pjesë e historisë së skuadrës.
Xabi Alonso ka mbajtur veshur fanellën e të kuqve në vitet 2004-2009 dhe ishte pjesë e ekipit që fitoi Ligën e Kampioneve në 2005. Por në klub e dinë se nuk do të jetë e lehtë që të largojnë spanjollin nga Bayer Leverkusen, me ekipin që po zhvillon një sezon mjaft të mirë në Bundesligë.
Pas 20 takimesh në kampionat, ekipi kryeson me 2 pikë më shumë se sa Mynihu, ndërsa ka fituar 16 prej tyre. Drejtuesit gjermanë edhe pse e dinë për interesin e të kuqve, besojnë se trajneri nuk do të largohet, pasi po planifikon ekipin e sezonit të ardhshëm. /abcnews.al
Të paktën 11 njerëz janë vrarë dhe gati 30 të tjerë janë plagosur kur persona të armatosur hapën zjarr gjatë…
Kryeministri Edi Rama ka reaguar publikisht pas deklaratës së Byrosë Kombëtare të Hetimit, lidhur me një episod të ndodhur në…
Alti Nallbati vëllai i deputetit demokrat Bledjon Nallbati, dhe dy personat e tjerë Marsel Buçi e Trajan Çeliku kanë lënë…
Në mundje, ekziston një rregull i pashkruar që të gjithë mundësit duhet të humbasin ndeshjen e tyre të daljes në…
Byroja Kombëtare e Hetimit ka reaguar pas deklaratës së sotme, 14 dhjetor, të kryeministrit Edi Rama, ku sipas tij, agjentë…
Të paktën 12 persona janë vrarë pasi dy persona të armatosur hapën zjarr ndaj një turme në Bondi Beach rreth…