E ardhmja e Ronald Araujos te Barcelona është në pikëpyetje, pasi një klauzolë në kontratën e tij mund të ulë ndjeshëm çmimin e largimit gjatë verës.
Nga 1 deri më 10 korrik, tarifa e lirimit të Araujos bie nga 1 miliard në vetëm 65 milionë euro.
Sipas gazetës katalunase ‘Sport’, disa klube të mëdha evropiane po ndjekin nga afër situatën e mbrojtësit uruguaian. Juventus dhe Bayern Munich kanë qenë të interesuar më parë për të.
Edhe pse Bayern tashmë ka firmosur me Jonathan Tah, interesimi për Araujon nuk është zhdukur plotësisht. Një ofertë e papritur mund të rihapë bisedimet.
Drejtori sportiv i Barcelonës, Deco, ka deklaruar se Araujo është ende në planet e klubit dhe ka kontratë deri në vitin 2031. Por me ardhjen e trajnerit Hansi Flick dhe konkurrencën në mbrojtje, pozita e tij si titullar nuk është më e garantuar.
Vetë Araujo ka shprehur dëshirën për të qëndruar në “Camp Nou”, por nëse një klub aktivizon klauzolën e lirimit, situata mund të ndryshojë shpejt.
Barcelona, e cila ndodhet në një fazë tranzicioni, mund të tundohen nga një ofertë e fortë, sidomos nëse duan të ristrukturojnë skuadrën apo të balancojnë financat.
Gjatë javëve të para të korrikut pritet të ketë zhvillime vendimtare, ndërsa tifozët e Barçës presin me ankth të ardhmen e një prej mbrojtësve më të vlerësuar të viteve të fundit.
Pas goditjes së një grupi kriminal të drejtuar nga biznesmenët Ergys Agasi dhe Ermal Beqiri, që përmes pengmarrjes e shantazheve…
Një tjetër ngjarje e rëndë në një shkollë në vend. Rasti në fjalë, është regjistruar në ambientet e një shkolle…
Ish-deputeti i PS-së, Petro Koçi, ka reaguar pas kërkesës së Prokurorisë së Posaçme (SPAK) drejtuar Kuvendit për t’i hapur rrugën…
Me rastin e 46-vjetorit të lindjes, kryebashkiaku i Tiranës, Erion Veliaj, ka reaguar nga qelia në rrjetet sociale. Ai thotë…
Kombëtarja shqiptare e futbollit, në muajin mars ka një takim me historinë dhe milionat. Kuqezinjtë do të luajnë për një…
Një kapitull i ri dhe i mbushur me emocione ka nisur sot për Erion Zeqirajn. Ish-banori i “Big Brother Albania…