Daley Blind tha se mendonte të mos luante për Hollandën në ndeshjen hapëse të saj për “Euro 2020” kundër Ukrainës, të dielën në mbrëmje, pas urgjencës mjekësore të Christian Eriksen.
Danezi është në gjendje shëndetësore të qëndrueshme në spitalin e Kopenhagës, pasi u shemb përtokë pa ndjenja, gjatë ndeshjes Danimarkë – Finlandë në “Parken Stadium”, të shtunën.
None found
Blind është një mik i ngushtë dhe ish-shok ekipit i Eriksen, me dyshen që ka luajtur së bashku tek Ajax.
Ashtu si miqësia mes dy lojtarëve, situata e Eriksen është veçanërisht prekëse për Blind, i cili ka përjetuar vetë çështje të zemrës gjatë viteve të fundit.
Mbrojtësi me përvojë i Ajax u diagnostikua me inflamacion të muskujve të zemrës, pasi u ankua për marramendje gjatë një ndeshje të Ligës së Kampionëve kundër Valencia, në dhjetor 2019.
Blind, i cili më pas u pajis me një stimulues kardiak në trup, u shemb përtokë ndërsa luante për Ajax në një miqësore para-sezonale kundër Hertha Berlin, në gusht 2020.
31-vjeçari startoi me Hollandën në fitoren 3-2 të Grupit C ndaj Ukrainës, të dielën në mbrëmje, dhe shpërtheu në lot pasi u zëvendësua në pjesën e dytë. Emocioni i fundjavës e bëri të vetën.
“Ajo që ndodhi me Eriksen pati një ndikim të madh tek unë, pa marrë parasysh faktin që Christian është një mik i ngushtë imi. Situata e tij ishte e tmerrshme. Sigurisht, unë kam përjetuar edhe disa gjëra në atë drejtim, kështu që më është dashur të kapërcej një pengesë të madhe mendore për të luajtur sot.
Duhej ta bindja veten për të luajtur, por jam krenar që e bëra. Dhe kjo është arsyeja pse emocioni im shpërtheu në lot në fund të lojës. Patjetër që kam menduar të mos marr pjesë në këtë ndeshje. Imazhet në televizion dhe incidenti patën një ndikim të madh, nuk fjeta shumë mirë për shkak të tyre. Më duhej vërtet të kapërceja një pengesë të madhe psikologjike për të luajtur ndaj Ukrainës.
Nëse nuk do të shkonte mirë, do të më kishte rënduar psikologjikisht edhe më shumë. Kur Christian inkurajoi shokët e tij të Danimarkës për të luajtur dhe përfunduar ndeshjen kundër Finlandës, atëherë vendosa të luaj edhe vetë. Gjithashtu, sepse jam i sigurt, sipas mjekëve”.
Një dyqan bulmeti është grabitur gjatë orëve të natës në qytetin e Pogradecit, në zonën pranë rrugës së spitalit. Sipas…
Një aksident i rëndë ka ndodhur në fshatin Dollc të Klinës në Kosovë, ku si pasojë një person ka humbur…
Këtë të hënë, studentët shqiptarë në Maqedoninë e Veriut, do të protestojnë sërish sot me kërkesën që provimi i jurisprudencës…
Nga dita e sotme deri më 22 maj 2026, në Shqipëri do të zhvillohet Turi e 83-të Çiklistik i Shqipërisë.…
Në një postim në platformën e tij Truth Social, Presidenti i SHBA-së, Donald Trump, ka paralajmëruar Iranin se “koha po…
Detaje të reja janë zbardhur lidhur me ngjarjen ku mbeti i plagosur efektivi i policisë, i identifikuar si Anxhelo Kumaraku…