Juventusi po shqyrton përforcime në sulm për afatin kalimtar të janarit. Një nga lojtarët që pëlqehet nga trajneri Luciano Spalletti është sulmuesi amerikan i Monacos, Folarin Balogun.
25-vjeçari është mes kandidatëve për t’iu bashkuar klubit italian në janar të vitit 2027. Monaco e vlerëson kartonin e tij rreth 40 deri në 50 milionë euro. Juventusi nuk ka bërë ende ofertë zyrtare, por po ndjek nga afër situatën e lojtarit.
None found
Kërkesa e Spallettit për më shumë zgjedhje lidhet me mungesën e efikasitetit në repartin ofensiv. Pas 10 xhirove në Serie A, bardhezinjtë kanë shënuar vetëm 13 gola dhe mbajnë vendin e shtatë me 17 pikë.
Randal Kolo Muani dhe Nick Woltemade nuk kanë treguar vazhdimësinë që pritej prej tyre. Për këtë arsye, drejtuesit po vlerësojnë transferimin e një sulmuesi me karakteristika të tjera.
Shpejtësia, lëvizja pa top dhe aftësia për të shfrytëzuar hapësirat e bëjnë Balogun një mundësi të përshtatshme për kërkesat e trajnerit italian. Ai kaloi nga Arsenali te Monaco në vitin 2023, pasi shënoi 21 gola gjatë huazimit te Stade de Reims.
Arritja e një marrëveshjeje mund të jetë e vështirë: Monaco kërkon deri në 50 milionë euro për sulmuesin, kontrata e të cilit me klubin francez zgjat deri në qershor të vitit 2028.
Nëse transferimi i Balogun nuk realizohet, Juventusi ka në listë edhe Brian Brobbey të Sunderlandit dhe Younes Ebnoutalib të Eintracht Frankfurtit.
Klubi italian pritet t’i shqyrtojë të gjitha mundësitë në javët e ardhshme, përpara se të vendosë nëse do të paraqesë një ofertë konkrete gjatë afatit kalimtar të janarit.
Çështja e himnit shqiptar në Pustec u rikthye në vëmendje gjatë konferencës së përbashkët për shtyp të kryeministrit të Shqipërisë,…
Negociatat për klimën në Antalia të Turqisë kanë hyrë në një ngërç të paprecedentë, duke rrezikuar seriozisht arritjen e një…
Përfitimet e “One Stop” tashmë janë të dukshme, theksoi ministri i Punëve të Brendshme, Pançe Toshkovski në faqen e tij…
Bletarët në Maqedoninë e Veriut ankohen se pavarësisht angazhimit, këtë vit kanë mbledhur më pak mjaltë. Antonio Antov thotë se…
Deputeti i Aleancës, Burim Ramadani, ka kritikuar Qeverinë e Kosovës për situatën me energjinë elektrike në vend. Në një postim…
Kanceri i qafës së mitrës po prek edhe moshat gjithnjë e më të reja. Në Maqedoni, pacientja më e re…