Juventus edhe zyrtarisht kanë njoftuar për blerjen e mbrojtësit portugez, Tiago Djalo, nga Lille për shumën e 3.6 milionë eurove dhe 3.1 milionë tjera bonuse.
Lojtari kishte fluturuar mbrëmë gjatë natës për në Turin dhe i është nënshtruar testeve mjekësore këtë mëngjes.
Ashtu siç pritej, kostoja totale e këtij transferimi u konfirmua të ishte 3.6 milionë euro që do të paguhet në tri këste dhe 1.5 milionë tjera bonuse.
Ka bonuse të mëtejme që mund të kapin shifrën e 2.6 milionë eurove në rast se arrihen kushte të veçanta sportive dhe objektivat e klubit.
Tiago Djalo ka nënshkruar një kontratë dyvjeçare me “Zonjën e Vjetër” që do ta mbajë atë në klub deri në 2026, por sipas gazetarit Fabrizio Romano, aty është përfshirë edhe një klauzolë që e lejon zgjatjen e kontratës deri në qershor të 2028.
Djalo ishte në dispozicion për këtë shumë për shkak se kontrata e tij me Lille ishte afër skadimit në fund të sezonit, dhe se ai nuk ka luajtur asnjë minutë këtë sezon për shkak të operimit në gju në mars të vitit të kaluar.
Interi kanë qenë gjithashtu në negociata të avancuara me lojtarin, por ata ishin të gatshëm ta transferojnë atë vetëm si lojtar i lirë, andaj Juventusi ka ndërhyrë dhe ka ofruar para në drejtim të Lille.
Italia nuk është një vend i panjohur për Djalon, pasi ai kishte kaluar një periudhë të shkurtër në akademinë e Milanit në 2019./Telegrafi/
Dashi Të lindur më: 21 Mars - 19 Prill Në marrëdhënie, sot do të ndiheni të pasigurt, por një bisedë…
Këtë mbrëmje në shtëpinë e Big Brother ka ardhur vëllai i Selin dhe i dashuri i Gretës. Ai ka pasur…
Deputetja e Partisë Demokratike, Jozefina Topalli deklaroi nga Kuvendi se ministrat dhe zyrtarët e korruptuar po mbahen në detyrë, ndërkohë…
Kryeministri izraelit, Benjamin Netanyahu, paralajmëroi sot se Izraeli do të godasë Iranin me një forcë të paprecedentë, nëse Teherani ndërmerr…
Keijsi u përjashtua nga gara për Çmimin e Madh këtë të martë, kjo pas përsëritjes së gjuhës denigruese që banori…
Personi që shihni në foto është Vasil Pilo, i riu shqiptar që humbi jetën këtë të martë në aksidentin tragjik…