“Janë duke u përmirësuar” – Petr Cech tregon se kur Chelsea mund ta fitoj titullin në Premier Ligë

Chelsea aktualisht është në vendin e 10-të në tabelën e Ligës Premier dhe nuk ka gjasa të fitojnë titullin së paku këtë edicion.

Por legjenda e londinezëve, ish-portieri Petr Cech këmbëngul se Blutë po përmirësohen nën drejtimin e Mauricio Pochettino dhe thotë se sezoni 2025/26 është sezoni më i hershëm që Chelsea mund ta fitojë ligën.

“Nëse flisni për një titull të ligës, ky sezon nuk po shkon ashtu siç dëshironin”, tha ish-portieri për Sky Sports.

“Nëse ata mund të kenë një fund të mirë të fortë të sezonit dhe të ndërtohen për sezonin e ardhshëm, ndoshta ky është sezoni ku Chelsea mund të ngjitet në tabelë, duke sfiduar për katër të parët. Sezoni më pas, është viti i parë realist për Chelsean që sfidon për titull”.

“Marrja në vetvete është një ndryshim i madh. Ju keni një pronar të ri me një vizion të ri, një stil të ri, një mënyrë të re që ata duan të drejtohet klubi. Kjo kërkon një përshtatje, përfshin lojtarët dhe të gjithë që punojnë për klubin. Këto gjëra kërkojnë kohë. Ekipi është ndërtuar në një mënyrë të caktuar, por që kur jam larguar, ka pasur një ribërje të plotë të skuadrës dhe është sfiduese për të gjithë kur keni shumë ndryshime”, tha Cech.

Problemi i Chelseat sipas Cech është se disa nga lojtarët kanë ardhur me pritshmëri të mëdha dhe nuk kanë treguar në fushë atë që pritej nga ta.

“Disa nga lojtarët ndoshta kanë ardhur me pritshmëri të mëdha, me shumë para që janë shpenzuar prej tyre, gjë që krijon edhe më shumë presion. Kur rezultatet nuk janë aty, kjo skuadër është vërtet e re dhe mendoj se ata ndonjëherë e kanë të vështirë t’i përmbushin ato pritshmëri”.

“Duke parë ndeshjet e muajit të fundit, nuk e sheh shtyllën kurrizore apo bërthamën e ekipit. Kjo tregon se ka shumë potencial, por trajnerët nuk kanë gjetur ende formulën e duhur për të gjetur bërthamën”, deklaroi ish-portier çek, Peter Cech. /Telegrafi/