“Jam tifozi i tij më i madh”, Rakitic emëron ikonën e Barçës si lojtarin e tij të preferuar, nuk është Messi

Mesfushori kroat, Ivan Rakitic ka zbuluar se sulmuesi brazilian, Neymar Junior është lojtari i tij i preferuar i të gjitha kohërave.

Rakitic ka qenë njëri nga lojtarët më të mirë të Barcelonës në 10 apo 15 vitet e fundit, duke fituar çdo trofe.

Kroati gjatë kohës së tij në Camp Nou ka qenë i rrethuar me yje të mëdhenj, por njëri është i preferuari i tij.

“Dua të them, unë jam tifozi më i madh i Neymar. Pra, Neymar është lojtari i preferuar gjatë gjithë kohës në ekipin tim”, ka thënë fillimisht Rakitic për mediat.

Megjithatë, kroati bëri një dallim kur u pyet nëse është para Lionel Messit.

“Ai është lojtari im i preferuar. Por sigurisht, Messi është më i miri. Jo vetëm tani, por në historinë e futbollit, sigurisht”, përfundoi kroati.

Duke shpjeguar zgjedhjen e tij, Ivan gjithashtu vuri në dukje se Neymar e bën futbollin ‘të duket si kërcim’.

Gjatë ditëve të tij në Barcelonë, Rakitic me sa duket ishte më shumë mik me Neymar sesa me Messin ose Luis Suarez – ndoshta kjo është një nga arsyet pas zgjedhjes së tij. /Telegrafi/