Jadon Sancho ka përfunduar huazimin e tij te Chelsea dhe është rikthyer zyrtarisht te Manchester United, pasi klubi londinez ka paguar një klauzolë penaliteti prej 5 milionë paund.
Sancho, i cili iu bashkua Chelseat në verën e kaluar në formë huazimi nga Manchester United me një detyrim për blerje deri në 30 milionë euro, nuk arriti të përmbushë kushtet për një transferim të përhershëm për shkak të mosmarrëveshjeve mbi kushtet personale.
Në deklaratën e tij, 25-vjeçari shprehu mirënjohjen për eksperiencën e tij te Chelsea, duke thënë: “Jam mirënjohës për përvojën. Dashuri e madhe për të gjithë te Chelsea që më bënë të ndihem si në shtëpi: shokët e ekipit, stafin dhe tifozët. I uroj klubit më të mirën në të ardhmen”.
Gjatë kohës së tij te Chelsea, Sancho ndihmoi ekipin të renditet në vendin e katërt në Ligën Premier, duke siguruar kualifikimin për Ligën e Kampionëve, dhe shënoi në fitoren e finales së Ligës së Konferencës kundër Real Betis.
Megjithatë, rikthimi i tij te Manchester United ka nxitur reagime të ndryshme nga tifozët, disa prej të cilëve shprehin zhgënjim për vendimin e Chelseat për të mos e mbajtur lojtarin.
Sancho tani pritet të eksplorojë opsione të tjera në Angli dhe Evropë për të ardhmen e tij, ndërsa situata e tij te United mbetet e pasigurt. /Telegrafi/
Përpara vizitës së saj zyrtare në Athinë të martën e ardhshme, ministrja për Europën dhe Punët e Jashtme, Elisa Spiropali,…
Durim Bami, një nga emrat më të njohur të botës së krimit në Shqipëri që vepron kryesisht në Fushë-Krujë dhe…
Sekretari i Përgjithshëm i Partisë Demokratike, Flamur Noka është shprehur sot me nota ironie lidhur me situatën e Ervin Salianjit.…
Një situatë e papritur ka krijuar konfuzion dhe debate mes banorëve të Big Brother VIP Kosova 4, pas lajmit se…
Kreu i PD Sali Berisha u pyet nga qytetarët se çfarë pret nga Gjykata më 22 janar lidhur me çështjen…
Policia e Tiranës ka vënë në pranga një person pasi në bashkëpunim me dy të tjerë kanë ushtruar dhunë fizike…