Ja se si ka ndikuar Liga e Kombeve në renditjen e kuqezinjëve në FIFA

Rezultatet e skuadrave në këtë dritare të ndeshjeve ndërkombëtare, kanë sjellë lëvizje të shumta në renditjen e FIFA-s, me skuadrat që kanë ndryshuar pozitat edhe mes 10 të parave të këtij klasifikimi.

Por ajo që ka qëndruar e palëvizur nga pozicioni i saj është Shqipëria, e cila pas barazimit ndaj Çekisë dhe humbjes ndaj Ukrainës ka qëndruar në vendnumëro në këtë klasifikim, ku mban vendin e 65-të. Për fatin e madh të kuqezinjve, pavarësisht lëvizjeve të skuadrave rrotull tyre, pozicioni nuk ka ndryshuar dhe ato mbeten larg grupit të skuadrave më të mira në kontinent e jo vetëm.

Duhet kujtuar se Silvinjo e mori Shqipërinë në vendin e 85-të në janarin e vitit 2023 dhe e ngjiti maksimumi deri në vendin e 59-të në tetor 2023. Vendi më i ulët në drejtimin e trajnerit brazilian është ai i 68 në prillin e vitit 2023. Duhet theksuar se renditja e FIFA-s ishte e rëndësishme për pozicionimin e kombëtareve europiane në vazot e shortit të Botërorit 2024.

Shqipëria duhej të ngjitej në vendin e 24-t mes ekipeve europiane që të shkonte në vazon e dytë të shortit. Por tashmë atë post e siguroi Çekia me fitoren e fundit ndaj Gjeorgjisë dhe ia doli të kalonte në vazon e dytë, teksa kuqezinjtë janë të 29-tit mes europianëve.