Italia mund të kualifikohet në Botëror, kjo gjë vjen pasi Irani rrezikon të dënohet

Ekziston një mundësi jashtëzakonisht e largët që Italia të kualifikohet në Kupën e Botës 2022 nëse Irani përjashtohet për ndalimin e grave në stadium.

Teoria u hodh nga Sport Mediaset, e ndjekur nga Sky Sport Italia dhe Sportitalia, por mbetet shumë, shumë e vështirë e realizueshme.

Irani mbylli 2,000 gra jashtë stadiumit për ndeshjen e tyre kualifikuese për Kupën e Botës kundër Libanit, pavarësisht faktit se ato kishin blerë bileta.

Irani fitoi ndeshjen 2-0, por tashmë ishte paralajmëruar nga FIFA në vitin 2019 që të mos ndalonte hyrjen e grave në tribuna.

Duke qenë se kjo është një shkelje e përsëritur, anëtari i Federatës së Futbollit iranian, Mehrdad Seradschi, vuri në dukje në Twitter se kishte dëgjuar “lajme shqetësuese nga FIFA dhe Konfederata e Futbollit Aziatik”.

Qasja më ekstreme do të ishte që FIFA të përjashtonte Iranin nga Kupa e Botës 2022, për të cilën ata tashmë kanë rezervuar vendin e tyre.

Nëse kjo do të ndodhte, teorikisht FIFA mund të kualifikonte në vend të tyre një vend me koeficientin më të lartë në renditjen botërore që nuk ka arritur të kualifikohet.

Kjo do të ishte kampionia aktuale e Evropës, Italia, e cila nuk arriti as në finalet e play-off-it pas humbjes 1-0 ndaj Maqedonisë së Veriut. /Gazeta Express/